اِس حقیقت کو کوئی نہیں جُھٹلا سکتا کہ تمام لوگوں کو نجات کی ضرورت ہے کیونکہ گُناہ نسلِ اِنسانی میں گہرے طور پر جڑ پکڑے ہوئے ہے، کیونکہ سب نے گُناہ کیا۔ اور اِس میں بھی کوئی شک نہیں کہ اِنسانی دِل جانتا ہے کہ صرف توبہ گُناہوں کو نہیں مٹاتی، اور معافی حاصل کرنے کےلئے کوئی بہتر راستہ ہونا چاہئے اور وہ کفّارہ ہے۔ یہ کتابچہ فدیہ و کفّارہ کی بابت مسیحی اور اِسلامی نکتہ نظر پر بحث کرتا ہے۔

یہ کتاب انجیل و قرآن میں صلیب کے بارے میں ایک قابل قدر مطالعہ ہے کہ کیا قرآن اِس کا مکمل طور پر انکار کرتا ہے اور انجیل اِس کی تصدیق کرتی ہے؟ مسیحیت کی تعلیم ہے کہ جناب مسیح انسانوں کے گناہوں کی قیمت کو چکانے کےلئے مصلوب ہوئے، اور خدا تعالیٰ نے گناہ گار انسانوں کو مسیح کے خون سے مخلصی دیتے ہوئے اپنے ساتھ صلح کروائی۔ اِس کے برعکس، اسلام سکھاتا ہے کہ عیسیٰ ابن مریم کو مصلوب نہیں کیا گیا تھا اور کسی اَور نے اُن کی جگہ لے لی تھی جبکہ اللہ نے عیسیٰ کو آسمان پر اُٹھا لیا تھا۔

مصنف اسلام میں مسیح (عیسیٰ) کی صفات ممیزہ اور ساتھ ہی ساتھ اُن کی شخصیت کے بارے میں مشہور غلط فہمیوں پر بحث کرتا ہے۔ مصنف بائبل مقدس اور قرآن میں مذکور مسیح کے کردار اور صفات کا جائزہ لیتا ہے: جیسے مسیح کی ابنیت، الوہیت اور انسانیت جیسی صفات۔

مزید برآں، مصنف تثلیث فی التوحید کی تعلیم یعنی تثلیث کے تین اقانیم کی وحدانیت پر بحث کرتا ہے، اور اعتراضات کا جواب دیتا ہے۔

ایک انڈونیشیائی مسلمان کی تبدیلی کا تجربہ کہ کیسے وہ مسیحیت پر حملہ کرنے سے باز آیا اور تبدیل ہو گیا; بائبل مقدّس پر ایمان لایا اور اِس بات کا قائل ہو گیا کہ اِس میں تحریف نہیں ہوئی تھی۔ وہ بتاتا ہے کہ کیسے وہ اُن مختلف مسیحی عقائد کو قبول کر سکا جو مسلمانوں کو قبول کرنا دشوار معلوم ہوتے ہیں، مثلاً یسوع مسیح کا ابنیت، یسوع مسیح کی الوہیت، یسوع مسیح کی موت اور جی اُٹھنا ، تثلیث فی التوحید اور بائبل مقدّس کی صحت۔

اِس کتاب میں مصنف نے درج ذیل مشکل حقائق کی سادہ اور عام فہم انداز تشریح پیش کی ہے۔

پاک تثلیث میں خدائے قدوس کی جامع واحدانیت، پاک تثلیث میں واحدانیت کی قرآنی شہادت، پاک تثلیث کے نام (باپ، بیٹا، رُوح القدس)، بناوٹی تثلیث،اور فضلِ خداوندی کا چمکنا۔

یہ ایک پاکستانی مسلمان کی زبردست گواہی ہے جس نے مسیح کو پا لیا۔ اُنہوں نے اپنی اہلیہ اور بچوں کے ہمراہ تمام اندرونی اور بیرونی ایذارسانیوں اور مشکلات کے باوجود خداوند کی خدمت کی۔ انگلیکن چرچ میں اُنہیں پاسبانی خدمت کےلئے مقرر کیا گیا اور اُنہوں نے اپنی زندگی کے آخری دم تک خداوند کی خدمت کرنا جاری رکھا۔

اِس کتابچہ میں ایک افغان مسلمان کی گواہی ہے جو اُس وقت مسیحی ہو گیا جب اُس نے مسیحی دین کی بنیادی باتوں کا موازنہ اُس تعلیم کے ساتھ کیا جس میں اُس نے پرورش پائی تھی۔ مصنف مسیحیوں کے ساتھ اپنی ملاقاتوں اور مباحثوں پر توجہ مرکوز کرتا ہے۔ اُن کی تعلیم کا قائل ہوتے ہوئے وہ بیان کرتا ہے کہ کیسے یسوع مسیح میں اُسے نجات ملی۔

مسیح کی مصلوبیّت کی حقیقت مسیحیوں اور مسلمانوں کے درمیان ایک متنازعہ مسئلہ ہے۔ مسیحی صلیب کو اپنے ایمان کا ایک بنیادی عقیدہ سمجھتے ہیں، مگر مسلمان مکمل طور پر اِس بات سے اِنکار کرتے ہیں کہ جناب مسیح مصلوب ہوئے یا یہ کہ وہ فطری طور پر مر گئے۔ لیکن اِس کے باوجود مسیحی دعوے سے کہتے ہیں کہ مسیح نے تمام اِنسانوں کو اُن کے گناہوں سے پاک کرنے کےلئے صلیب پر جان دی۔

مسلمان نجات کی تعلیم اور ایک نجات دہندہ کی ضرورت کو رد کرنے کےلئے قرآن کی آیات کا استعمال کرتے ہیں۔ دوسری طرف، مسیحی مانتے ہیں کہ بغیر خون بہائے کوئی نجات نہیں جس کی حتمی صورت صلیب پر واقع ہوئی۔

یہ کتاب مسیحی ایمان کے بنیادی تصوّرات کا جائزہ لیتی ہے، مثلاً مسیح میں الٰہی تجسّم، مسیح کی مصلوبیّت جس نے بہت سے لوگوں کو نجات دی، مسیح کا دُنیا کے گناہ اپنے اوپر اُٹھا لینا، اور اُس کی جلالی قیامت جو گنہگار کو ہمیشہ کی موت میں سے نکلنے کی راہ اور ابدی زندگی کا موقع فراہم کرتی ہے۔