یہ کتابچہ دیدات کے کتابچے "اِسلام میں مسیح" کا جواب ہے، اور یہ یسوع مسیح کی شخصیت کے بارے میں مسیحی اور مسلم رویوں کا ایک تقابلی مطالعہ ہے۔ مصنّف نے اِس میں درج ذیل نکات پر بحث کی ہے: قرآن اور بائبل میں مُقدّسہ مریم، یسوع کو دیا گیا خصوصی لقب، یسوع کی پیدایش پر ایک نظر، ملکِ صِدق —آنے والے مسیح کا مثیل، یسوع — زِندہ خُدا کا ازلی بیٹا اور دیگر موضوعات۔

اکثر یہ کہا جاتا ہے کہ توریت اور انجیل میں یہودیوں اور مسیحیوں نے تحریف کر دی ہے ۔ مصنف مختلف قائل کرنے والے ثبوتوں سے اِس الزام کو غلط ثابت کرتا ہے ۔

کیا یسوع کو واقعی مصلوب کیا گیا تھا؟ یہ ایک اِنتہائی اہم سوال ہے، کیونکہ مسیحیّت کی بنیاد مسیح کی مصلوبیّت اور جی اُٹھنے پر ہے۔ بائبل مُقدّس، جسے مسیحی اِیمان کا ماخذ مانا جاتا ہے، اِس حقیقت کا یقین دلاتی ہے کہ یسوع نے صلیب پر جان دی تھی۔ یہ اِس بات کو بھی واضح کرتی ہے کہ یسوع نے حکومت کے خلاف کسی اِنقلاب کی منصوبہ بندی نہیں کی تھی، اور نہ ہی اپنی گرفتاری کے وقت اپنا دِفاع کرنے کی کوئی کوشش کی تھی، جیسا کہ بعض لوگ مسیحی عقیدے پر شکوک و شبہات پیدا کرنے کےلئے قیاس آرائیاں کرتے ہیں۔