Paulus, na kheueh Rasui Kristen nyang dinamis, geutuleh lam surat gobnyan nyang phon keue ureueng Korintus : “Ureueng-ureueng Yahudi jilakee tanda dan ureueng-ureueng Yunani jimita hikeumat, teuma kamoe meupeugah keuhai Almaseh nyang jisaleb, keue ureuene-ureueng Yahudi nyan sibagoe batee nyang teupeugantoh jih meunan cit keue ureueng-ureueng nyang kon Yahudi nyan saboh buet nyang bangai (bodoh), teuma, keue awaknyan nyang teutawok, bahnyan ureueng Yahudi meunan cit; nyang kon Yahudi, Almaseh na kheueh teunaga Allah dan hikeumat Allah” (I Korintus 1:22-24). Meunan cit nibak teumpat nyang cit Rasui Paulus geupeugah lom:

Meunyoe tanyoe takalon keusaksian rasui-rasui Almaseh nyang na meusajan Gobnyan meunan cit nyang turi Gobnyan sibagoe Aneuek Tunggai Bapa, punoh ngon gaseh karonya dan keubeunaran, Tanyoe takalon bahwa Injil nyang a.waknyan peusampoe nibak awai keu Kristenan, dan nyang ka jiteurimong le umat manusia, dan le nyan teuma awaknyan ka teupeu seulamat, na kheueh haba mangat nyang saban, nyang ngon paih nyang geupeusapat le Paulus lagee nyang teutuleh nyoe :

Sidroe Rasui nyang laen na kheueh Rasui Yahya geupeugah, “Udeb nyan ka teupeugah, dan kamoe ka meukalon, dan jinoe kamoe meusaksi dan teujak peusampoe ubak gata keuhai udeb keukai, nyang na meusajan-sajan ngon Bapa dan nyang ka geupeunyata ubak kamoe. Bahwa peue nyang kamoe kalon ngon peue nyang kamoe deungoe nyan, kamoe peusampoe ubak gata cit teuma, mangat gata pih meuteume peusikutuan deungon kamoe” (1 Yahya 1:2-3).

Nyoe paih ngon Injil nyang teupeugah, “Feureuman nyan ka jeuet keu manusia dan tinggai lamkawan tanyoe.” (Yahya 1:14).

Meunan cit ngon Rasui nyang laen, na kheueh Petrus, gobnyan geupeugah ubak ureueng-ureueng Yahudi,

Lam nubuatan-nubuatan nabi-nabi, jai that nubuatan keuhai peuristiwa-peuristiwa nyang na hubongan. ngon mate Almaseh nibak kayee Saleb Banmandum nubuatan-nubuatan nyang ka teupeugeunab.

Bak padub-padub boh watee nyang na, Almaseh geubrie thee ubak mured-mured Gobnyan bahwa keuteupeuseulamat manusia, Gobnyan haroh teusaleb. Nubuat-nubutan nyoe na teutuleh lam kitab Injil Matius 17:22-23, Markus 8:31, Lukas 9:22 dan Yahya 3:14-15.

Lhee uroe oh ka lheueh teusaleb, teujadi kheueh mujizat nyang paleng rayeuk nibak mandum mujizat. Almaseh geupeubeudoh lamkawan ureueng mate. Alkitab teutuleh lageenyoe, “Oh ka lheueh uroe Sabat jijak, watee karab jiteubet mata uroe bungoh nibak uroe phon aleuhat nyan, geujak kheueh Maria Magdalena ngon Maria laen geujak kalon jrat nyan. Wateenyan teuma teuka geumpa bumoe nyang meunan teuga that, sabab sidroe malaikat Tuhan geutron rot di langet dan laju geujak bak bateenyan laju geubalek, lheuehnyan malaikat nyan laju geuduek ateuh batee nyang ka meugule nyan, ruman gobnyan lagee kilat peukayan gobnyan puteh gleh lagee eh salju. Le ureueng-ureueng nyang keumiet jrat nyan yo ngon teumakot leumpah na sampoe awaknyan ka lagee ureueng mate. Teuma le malaikat nyan laju geupeugah ubak ureueng-ureueng inong nyan, “Bek kheueh gata takot; sabab ulon kuteupeue droneueh nyoe jak mita Isa nyang jisaleb nyan. Gobnyan hana disinoe, sabab Gobnyan ka geubeudoh, saban lagee nyang ka geupeugah nyan” (Matius 28:1-6).

Dokumen-dokumen. seujarah jeuet keusaksi bahwa Isa jisaleb.Malem-malem seujarah yoh phon jameun ilee, bahnyan ureueng-ureueng Yahudi meunan cit nyang kon ureueng Yahudi ngon teugaih geupeupah bahwa keuhai Isa teusaleb nyan na kheueh fakta seujarah.

Kitab Talmud, kitab suci ureueng Yahudi, na cit teutuleh keuhai Isa nyang jisaleb lam edisi thon 1943, leuen 42, na jipeugah:

Peurayaan peujame Suci le ureueng-ureueng Kristen nyang teupeuingat awaknyan ubak Almaseh teusaleb na kheueh keusaksian udeb keusiumumasa na kheueh fakta ateuh meuninggai Isa bak kayee Saleb.

Watee tanyoe temeurunoe Al-Qur'an, deuh takalon bahwa kitab nyoe geubantah keuhai Isa teusaleb. Teuma hana teubantah ateuh gobnyan meuninggai sigohlom geu ek lam syeuruga na lhee boh ayat nyang teupeugah keuhai Gobnyan meuninggai, dan dua boh ayat teuk teupeugah bahwa gobnyan meuninggai le saboh jipoh.

Al-Baidawi geupeugah: “Saboh kawan ureueng Yahudi jihina Isa dan Ma gobnyan, le sababnyan Gobnyan geukutok awaknyan dan Allah geu-ubah awaknyan jeuet keue bhua kreeh dan bui. Ureueng-ureueng Yahudi ka sipakat keuneuk jipoh mate Gobnyan, teuma Allah geupeugah bahwa Gobnyan teuma.geubeuot Isa. Isa geupeugahubak sahabat-sahabat geuh:

Na nyang peugah bahwa watee ureueng -ureueng Yahudi jidrob Isa Gobnyan jijaga le sidroe peungawal, teuma seucara mujizat Gobnyan teubeuot lam syeuruga. Meusajan ngon nyan, Allah geu-ubah ruman peungawalayan lagee rumah Isa. Awaknyan laju jidrob ureueng nyan sabab jipike nyang jidrob nyan na kheueh Isa, laju jisaleb ureueng nyang teudrob nyan jikiiek-kliek sira jipeugah bahwa jihnyan kon kheueh Isa. 'Lon kon Isa'.

Na teuma nyang peugah bahwa Yahuza, (Yudas Iskariot), mured Isa, na kheueh sidroe ureueng munafek. Gobnyan jitunyok teumpat Isa bak ureueng-ureueng Yahudi. Teuma Allah laju geu-ubah ruman Yudas nyan saban ngon Isa, le ureueng Yahudi laju jipoh mate jihnyan geunantoe Isa (Baidawi II, 127-128)

Lam kitab Al-Tabari JAMI AL-BALAN, gobnyan geupeugah ngon padub-padub boh calitra. Meunurot saboh cerita nibak kitab-kitab nyan na kheueh lageenyoe: Wahab Ibn Munabbeb geupeugah bahwa Isa teuka ngon tujoh blah droe mured-mured Gobyan ubak saboh rumoh.Ureueng-ureueng Yahudi laju jikeupong rumoh nyan, dan watee awaknyan jitamong, laju le Allah geu-ubah ruman mandum ureueng nyang tamong lam rumoh nyan laegee ruman Isa. Ureueng-ureueng Yahudi laju jikuk, Gatanyoe tukang-tukang sihe, meunyoe gatanyoe hana tapeugah soe lamkawan gatanyoe nyang keuneuk bloe syeuruga (Firdaus),?' sidroe lamkawan awaknyan laju jijaweueb, “Ulon Isa', dan ureueng nyan pih laju jipoh mete.

Le that keumentar-keumeuntar (calitra-calitra) nyang saban atawa saban lageenyoe nyang geutuleh le Sanawi, Ibn Kuthair, Galalan dan Zamakhsari. Teuma sigohlom tatob thema nyoe, bah kheueh tutob diskusinyoe ngon teukuteb peue nyang geupeugah le Fakhr Al-Din Ar-Razi, nyang geubantah calitra 'saban ngon ruman Isa' Keuhai surat Ali Imran ayat 55 nyang su jih, “He Isa, sikeubiet jih Ulon keuneuk peutrok gata ubak akhe umu gata dan lon beuot Gata ubak Ulon”. Razi geupeugah lom keuhai nyoe, “Disinoe-tanyoe tahadab ubak plobema.

Al-Qur'an geupeugah bahwa watee Po teu Allah geubeuot Isa, Gobnyan geupeujeuet ureueng laen ruman ureueng nyan saban laegee Isa lan Awaknyan hana jipoh mate Gobnyan atawa jisaleb Gobnyan, teuma deuh jih lagee nyan nibak awaknyan' le that-that calitra-calitra nyang saleng meulaen saboh ngon nyang laen keuhai nyoe. Na nyang peugah bahwa Allah geupeujeuet musoh-musoh ji-intat ureueng-ureueng Yahudi ubak Isa na ruman nyang saban ngon Isa. Nyang laen gapeugah sidroe lamkawan mured Gobnyan geupeujeuet, ruman jih lagee Isa, ureueng nyan jipoh mate sibagoe geunantoe Isa. Bahwa ureueng laen geupeujeuet ruman lagee Isa kajeuet keuteuka meubagoe plobema lagee nyang teupeugah dimiyueb nyoe.

Syedara, lam surat gata tapeugah lageenyoe: ”Donya hana hancoe sigohlom ureueng-ureueng Kristen di Barat jibeuot sinjata.” Seujarah jibantah gata lam hainyoe; muprang ngon peuhancoe nyan kana meuribee thon nyang ka lheueh jioh sigohlom na agama Kristen. Teuma, sigohlom teupeuseuleusoe isu nyoe, tanyoe peurelee tabandeng alasan-alasan keuhai muprang, bahnyan keue ureueng Kristen meunan cit keue ureueng Islam.

Injil teupeugah watee Almaseh geuteupeue bahwa Nabi Yahya pumano ka jipoh mate, Gobnyan laju geujak geutinggai Nazaret geuduek laju di Kapernaum. Gobnyan geujak geukeulileng bansaboh Galelia sira geupeupuleh meubagoe-bagoe peunyaket meunan cit geupeusampoe haba Get keuhai keurajeuen Allah. Awaknyan jiba banmandum ureueng-ureueng saket meunan cit nyang jiteumamong le iblih, dan Gobnyan laju geupeupuleh banmandum awaknyan. Watee Isa geukalon wateenyan, Gobnyan geu-ek u ateuh buket laju geupeurunoe awaknyan sira geupeugah,

“Bek kheueh gata sangka, ulon teuka keue ulon peubeu'ah Hukom Torat meunan cit kitab Nabi-nabi. Ulon teuka, kon keue lon peubeu'ah, teuma keue lon peugeunab. Sabab ulon peugah ubak gata, sikeubiet jih, sigohlom gadoh langet ngon bumoe nyoe, saboh iota atawa saboh titek pih hana teupeugadoh nibak hukom Torat nyan, sigohlom mandum nyan teujadi” (Matius 5:17-18).

“Gata ka tadeungoe nyang geufeureuman ubak indatu geutanyoe, bek poh mate; soe nyang poh mate, haroh teuhukom. Teuma Ulon peugah ubak gata, tieb-tieb ureueng nyang beungeh ubak syedara jih haroh teuhukom; soe nyang peugah ubak syedara jih: Kaphe! Nyang kheun nyan teupeuhadab ubak kantoe Mahkamah Agama, meunan cit nyang meututoe brok atawa jahe! nyang kheun nyan haroh teutiek lam apui nuraka nyang hu mehab-h'ab” (Matius 5:21-22).

“Gata ka tadeungoe feureuman, Bek pubuet zina. Teuma ulon peugah bak gata, tieb-tieb ureueng nyang jingieng ateuh inong laju na niet jikeunenk ateuh inong nyan, ureueng nyan ka jimeuzina ngon inong nyan lam ate jih.” (Matius 5:27-28).

“Meunan cit na geufeureuman lagee nyoe, Soe mantong nyang jitaleuek purumoh jih haroh teupeuget surat taleuek keu purumoh jihnyan. Teuma ulon peugah ubak gata, soe mantong nyang jitaleuek inong jih laen hai le sabab jipubuet zina, jihnyan ka jipeujeuet purumoh jihnyan jipubuet zina; dan soe mantong nyang meukawen ngon inong nyang ka jitaleuek nyan, ureueng nyan jipubuet zina” (Matius 5:31-32).

“Gata pih ka tadeungoe cit nyang geufeureuman ubak indatu tanyoe, 'Bek meusumpah peuleusu, mat kheueh sumpah gatanyan dikeue Tuhan! Teuma Ulon peugah ubak gata, bek sagai-sagai meusumpah .... Meunyoe nyoe, meunyoe hana, gata peugah kheueh hana. Peue nyang leubeh nibak nyan, asai jih nibak sijeuhet.” (Markus 5: 38-41).

“Gata ka tadeungoe feureuman, 'Gaseh kheueh seusabe gata manusia dan banci kheueh keue musoh gata. Teuma Ulon peugah ubak gata, 'Gaseh kheueh musoh gata dan meudoa kheueh keue awaknyan nyang ienanya gata. Sabab ngon lageenyan gata ka jeuet keue aneuek Bapa gata nyang di syeuruga nyang peuteubiet mata uroe keue ureueng nyang jeuhet dan ureueng nyang jroh.” (Matius 5:43-45; 6:1-7:29).

Seujarah teucetet bahwa Omar Bin Khatab na kheueh arsitek neugahra Islam. Gobnyan geuanut prenseb-prenseb lagee teupeugah nyoe:

“Prang kheueh ureueng-ureueng nyang hana meuiman ubak Allah dan hana teuma meuiman ubak uroe page dan awaknyan hana jipeuhareuem peuenyang ka geupeu hareuem le Po teu Allah dan Rasul gobnyan dan hana jimeuagama ngon agama nyang beutoi (beuna), nyang geubrie Alkitab ubak awaknyan, sampoe awaknyan jibayeue jizyah ngon taat dan awak nyan lam keuadaan tundok”. (Surat At Taubah ayat 29).

“Dan poh mate kheueh awaknyan dipat mantong pata teume awaknyan, dan use kheueh dipat gata ka jiuse le awaknyan; sabab fiteunah nyan leubeh rayeuk bahaya jih nibak teupoh mate gob” ( Surat Al Baqarah ayat 191).

“Dan prang kheueh awaknyan nyan, sampoe hana le fiteuna dan agama nyan na kheueh keue Po teu Allah mantong.” (Surat Al Baqarah ayat 193).

"Bek kheueh gata pike ureueng-ureueng nyang mate nibak rot nyan mate; teuma awaknyan na kheueh udeb” (Surat Ali Imran ayat 169).

“Sikeubiet jih Ulon hana Lon sia-sia ureueng-ureueng nyang meu amai lamkawan gata, bah nyang agam meunan cit nyang inong, sabab siladum gata na kheueh keuturonan nibak siladum nyang laen. Ngon nyan teuma, ureueng nyang hijrah, nyang jiuse nibak gampong droe jih, nyang ji ienanya nibak rot Ulon, nyang muprang dan nyang jipoh mate, ka pasti Ulon peuamphon bubena salah awaknyan dan pasti Ulon peutamong awaknyan lam syeuruga nyang ji ile ie-ie krueng dimiyueb nyan sibagoe pahala nibak Po teu Allah. Dan Allah bak bineh Gobnyan pahala nyang get”. (Surat Ali Imran ayat 195).

“Awaknyan jitanyong bak gata keuhai muprang bak buleuen Hareuem, Peugah kheueh: ‘Muprang nibak buleuen nyan na kheueh desya nyang paleng rayeuek; teuma teutam (manusia) nibak rot Allah, kaphe ubak Allah, teutam bek jitamong lam Meuseujidharam dan teu use peunduduek jih nyang na seukeulileng nyan, leubehrayeuek desya jih nibak Po teu Allah…. Dan pubuet fiteunah (peusuna) leubeh rayeuek desya jih nibak teupoh mate gob. Awaknyan hana jipiyoh-piyoh jiprang gata sampoe awaknyan meuhase jipeubalek gata nibak agama gata ubak agama kaphe, seukira jih awaknyan hase” (Surat Al Baqarah ayat 217).

“He ureueng-ureueng nyang meuiman, prang kheueh ureueng-ureueng kaphe nyang bansilingka gata nyan, bah kheueh awaknyan jirasa keunong poh nibak gata, dan beuta teupeue kheueh, bahwa Allah meusajan ngon ureueng-ureueng nyang taqwa” (Surat At Taubah ayat 123).

“Awaknyan meuharab mangat gata jeuet keue kaphe lagee toh awaknyan ka jeuet keue kaphe laju jeuet keusaban lagee awaknyan. Le sabab nyan bek kheueh gata peujeuet lamkawan awaknyan jeuet keu nyang tulong gata, sampoe awaknyan jihijrah nibak rot Allah. Teuma, meunyoe awaknyan jipaleng, lawan dan poh mate kheueh awaknyan dipat mantong meurumpok ngon gata, dan bek kheueh gata cok meusidroe pih lamkawan awaknyan jeuet keu nyang lindong gata” (Surat Annisa ayat 89).

Mungken Tuan Alawi ka geuteurimong ajaran Kristen nyang seujati, na kheueh nyang geupeurunoe le Isa dan Rasui-rasui Gobnyan nyang teu ileuham le Roh Kudus dan nyang jiseutot le geureja-geureja nyang le nibak watee nyoe. Kamoe meuteupeue bahwa kon mandum ureueng nyang teupeugah ureueng Kristen na kheueh ureueng Kristen nyang biet-biet. Isa ka geupeugah hainyoe ngon feureuman Gobnyan:

Keubiet sayang that-that, jai tha-that nibak ureueng Kristen teuma na lam nan mantong. Keuteuturi ureueng Kristen nyang seujati, Isa geupeupah: Nibak boh jih kheueh gata taturi awaknyan. Peu kheueh hase gob jipot boh anggo nyang na lam tamah meuduroe atawa boh ara nyang na lam na leueng meuduroe?” (Matius 7:16).

Tanyoe haroh ta ujoe tieb-tieb peungajaran ngon prenseb nyoe nyang geubrie le Isa. Tanyoe hana jeuet tacok keusimpolan peue kheueh sibak bak kayeenyan get on jih atawa bungong jih, teuma na khueh nibak boh jih.

Ngon hikeumat Gobnyan nyang luwabiasa, Isa ka geupeusampoe hukom nyang phon mangat udeb rukon ngon dame meunan cit mangat saleng na muphom nibak umat manusia, gobnyan geupeugah, “Peu-peu mantong nyag gata lakee mangat gob jipeubuet ateuh gata, peubuet kheueh lageenyan cit teuma ubak awaknyan. Nyan kheueh asoe mandum hukom Torat dan kitab Nabi-nabi” (Matius 7:12).

Ayat nyoe teupeugah “Peudoman meuh” meunyoe banmandum umat manusia patuh ngon jipeuteutab hukom nyoe, tieb-tieb atawa bansaboh bumoe na lam keuadaan dame, ngon nyan nubuatan nabi Yesaya teuma teupeugeunab, nyan teutuleh lageenyoe:

Na teucalitra lageenyoe, sidroe ureueng jilakee ubak sidroe Rabbi Yahudi Shamai mangat geutem peurunoe kitab Torat keu gobnyan. Sira jidong ateuh gaki jih nyang siblah, Shamai laju jiuse ureueng nyan. Lheuehnyan ureueng nyoe jijak ubak Rabbi Hilel laju jilakee meulakee nyang saban bak Rabbi nyoe, Hilel geujaweueb:

Isa ka geuubah tutoe haba nyang neugatef nyoe jeuet keu tutoe haba nyang positef.

Ulon ngieng bahwa gata gundah that watee takalon ngon ureueng-ureueng nyang jisitot lam prang Saleb, dangata tapeugah bahwa keu Kristenan kheueh nyang jeuet keu sabab jih. Ulon hana hase lon sitot rot pikeran gata. Awaknyan nyang jisitot lam prang Saleb bukon kheueh ureueng Kristen nyang sikeubiet jih. Bukeuti nyang paleng saheh keuhai nyan na kheueh fakta bahwa awaknyan jireupah Geureja-geureuja Ortodoks Timu, tujuan awaknyan na kheueh jipeuluwah daerah teritorial.

Ureueng-ureueng malem seujarah geupeugah bahwa padub-padub buleuen oh ka lheueh ureueng Islam tinggai teutab di Medinah, awaknyan ka meucen that u tanoh Mekkah. Dimiyueb pimpenan Muhammad, awaknyan ka meureuncana keuneuk balan dam ateuh bani Qurais. Nyang jeuet teuhalang balah dam awaknyan na kheueh watee nyan awaknyan teungoh gabhuek jipeuget rumoh-rumoh lom jikeubah peunajoh nyang siseb jih. Awaknyan laju jipeudong detasemen-detasemen. Detasemen nyang phon geususon le Muhammad, geupimpen le apha Gobnyan Hamza Bin Abdul Muttalib lam detasemen nyan na 30 droe nyang giduek onta, banmandum nyan Muhajirin na kheueh awaknyan nyang geupeuplueng dari dari Meukkah u Medinah. Awaknyan geukirem u arah pante di u arah 'Ais' dan nibak tempat nyan awaknyan laju meurumpok ngon Abu Jahl Bin Hisham, nyang geupimpen 300 droe nyang giduek unta nibak Bani Qurais. Nagdi Bin Amro-Gahni laju geupeuaseng bandua pasokan nyan lheueh nyan geupakat ngon geubujuk bandua nyan mangat bek sampoe na muprang.

Nibak Ibnu Hisham tanyoe laju tateupeue bahwa Muhammad geupimpen leubeh nibak dua ploh tujuh goe seurangan. Nyoe na kheueh padub-padub goe seurangan lamkawannyan na. kheueh :

Geujak prang ateuh Wadan, na kheueh prang nyang phon. Lheuehnyan geujak prang ateuh Buwat, rot arah Radwi. Lheuehnyan geujak prang teuma Ashira, rot dalam Yanboa. Lhuehnyan prang Badar, wateenyan kheueh teupoh mate peumimpen-peumimpen Qurais. Lheuehnyan geujak prang ateuh Beni Salim, sampoe awaknyan trok u Kadar. Lheuenyan na lom prang ateuh Suwiq, keuteujak poh mate Abu Sufiah bin Harb. Lheuehnyan teujak prang teuma Ghatfan.

Lheuehnyan Ibnu Hisham geupeugah lom bahwa Muhammad geumuprang na sikureueng goe nibak prang-prang nyoe.

Badart, Uhud, Parit, Quraiza, Mustalaq, Khaiber, Fath, Hunein ngon Taif (Kitab Al Sira nyang karang le Ibnu Hashim, jiled III dan IV, teucetak di Kairo, 1936).

Oh ka lheueh Nabi Muhammad wafeuet, padub-padub boh sukee nibak Seulatan ngon Timu nibak seumeunanjong Arabia jitinggai Agama Islam. Sahabat-sahabat Ubak geuusui ubak Abu Kabar mangat awaknyan geukirem tantra mangat teulawan ureueng-ureueng Murtad nyan. Teuma Khalif geumeu kreuh mangat pasokan Usman bin Zaid teukirem keuteureubot Siria. Gobnyan geupeugah, “Uion hana lon peutron bupanji nyang ka geupeu ek le Nabi”. Sahabat-sahabat Nabi laju geupeudong pasokan pasokan baroe atawa tantra baroe di miyueb pimpenan Khalid Bin Al Waleed, gobnyan meuhase geupeu Islam lom sukee-sukee nibak blah u Timu, Seulatan meunan cit Teungoh nibak Arabia, meunan cit ureueng-ureueng Murtad nibak nanggroe Yemen (Yaman), Najd dan Yamama. Nyang kheueh sabab jih Khaled Bin Waleed. Nyang kheueh sabab jih Khalid Ibn Al-Waleed teuboh nan gata, “Peudeueng Islam” Seumangat teujak prang nyang atawa seumangat muprang nyang yoh bunoe kana nibak sukee-sukee nyang tamong Islam nyan haroh teumita rot keu teu ekspresi droe jih. Nyang kheueh sabab jih. teuka atawa teupeubeudoh muprang-muprang baroe. Sithon sigohlom Abu Bakar meuninggai donya, tantra-tantra Islam laju geumuprang keue geupeuluwah daerah peungaroh jih.

Ulon lakee ubak gata cuba gata ngieng lam seujarah bahwa muprang sabe na lam Islam lom alat keuteupeu luwah wilayah.

Gata tapeugah lam surat gata bahwa tieb-tieb ureueng Islam nyang hana le (minoritaih), nyang na lam neugahra-neugahra Kristen ji ienanya, laen haijih ngon ureueng-ureueng Kristen nyang bacut atawa hana le nyang na lam neugahra-neugahra Islam na hak-hak jih sibagoe wareuga neugahra.

Lam hainyoe ulon hana situju ngon gata. Di Amirika Seurikat, ureueng-ureueng Islam nyang bacut (hana le) beubaih sipunoh jih keujianut agama jihnyan, hana teutam. Voice of Amerika sabe na jisiar seuri kuliah-kuliah Islam. Teolog Islam, Maher Hathout, geupeugah keuhai keugiaten-keugiatan Islam keuteupeusampoe agama Islam ubak ureueng-ureueng Kristen. Teuma saboh mantong nyang lazem lam Islam nyang jitam di Amerika na kheueh meukawen leubeh nibak sidroe inong (Poligami).

Sheik Tah Ramouli geupeugah nibak saboh kuliah di Libanon, bahwa ureueng-ureueng Islam di Jereuman hana meuteume teumpat keuteumpat seumahyang Iduladha; teuka ureueng-ureueng Kristen geujok saboh geureuja keuteumpat awaknyan peuna ibadat Idul Adha. Laen hai ngon ureueng-ureueng Islam hanatom atawa hana geubrie jipeubuet nyang lagee nyan bagoe. Bukeuti jih, saboh neugahra Islam Arab hana geubri ureueng Kristen jipeudong geureja nibak daerah nyan.

Gata pih tapeugah bahpih ureueng-ureueng Islam di Inggreh leubeh le nibak ureueng-ureueng Yahudi, awaknyan hana waki nibak Parlemen. Sabab jih na kheueh, Ureueng-ureueng Yahudi meusaboh lom na saboh tujuan, laen hai ngon ureueng-ureueng Arab Islam geuba u tanoh rantoe hai-hai nyang kayem that meudakwa dakwi di nanggroe gobnyan di Arab u Inggreh. Leubeh payah lom, padub-padubboh neugahra Islam geukirem peutugaih-peutugaih keujijak poh mate lawan-lawan peulitek gobnyan. Kon keugeu useuha meudame (rekonsiliasi). Keuhai ureueng-ureueng Islam di Pilipina: Revolusi Islam nibak neugahranyan leubeh meusifeuet peulitek nibak agama. Gata tapeugah cuci utak atawa rhah utak. Hana rhah utak lam agama Kristen. Kamoe nyang kamoe andalkan na kheueh darah Isa keungon rhah kamoe nibak desya-desya.

Gata tapeugah bahwa tuan Alawi asai gobnyan nibak keuluarga seudeuhana. Peuidin kheueh ulon keulon kuteb peue nyang geupeugah le Rasui Paulus:

Ulon meuheut keuneuk tamah keuhai awaknyan nyang gata peugah, “Teolog-teolog” dan nyang gata that-that peubangga sabab awaknyan ka jitamong Islam; kamoe hana rugoe le sabah hainyan. Rasui Yahya ka geumeututoe keuhai awaknyan, nyoe kheueh kheun gobnyan,

Gata tacuba peusom atawa tacuba tob-tob keuhai desya dan hana teupeugah desya lam Islam; teuma Qur'an jianggab nyan peunteng that.

Dimiyueb nyoe na kheueh padub-padub boh istilah lam Al-Qur'an. Nyang teupeugah makna nibak desya. Ureueng nyang meulanggeh(desya) lagee lam “Sikeubiet jih Kamoe ka meujok ubak gata meunang nyang nyata, mangat Allah geubri amphon ateuh gata keuhai desya gata nyang ka u likot meunan cit nyang teuma teuka. (Surat Al Fat-h ayat 1,2).

Beuban (desya) lagee nyang na teutuleh lam: “Kon kheueh kamoe ka kamoe peulapang keugata dada gata, dan kamoe ka kamoe peugah nibak gata beuban gata.” (Surat Alam Nasyrah ayat, 1,2).

Silab (Meusimpang nibak rot nyang beutoi), lagee nyang teutuleh lam: “Bukon gobnyan geuteume gata lagee sidroe ureueng yatem, laju Gobnyan geulindong gata, dan Gobnyan geuteume gata sibagoe sidroe ureueng bingong, laju Gobnyan geujok keugata peutunyok, dan Gobnyan geuteume gata sibagoe sidroe ureueng nyang sabe lam kureueng (hana sapeuna) laju Gobnyan geujok keugata nyang seb?” (Surat Adh Dhuhaa ayat 6-8).

Ureueng-ureueng zalem, lagee teutuleh: “Watee Tuhan gata geuyue Nabi Musa: Teuka kheueh kawom nyang zalem nyan” (Surat Asyu'raa' ayat 10). Buet jeuhet desya, lagee nyang teutuleh lam:

Desya, lagee nyang na teutuleh lam :

Jinoe, izin kheueh ulon mangat lon teulaah peu nyang gata peugah:

Meunyoe takalon keunyataan nyoe dimiyueb trang Feureuman Allah, jeulaih kheueh bahwa peunyataan nyan jipeugah le sidroe-droe ureueng keujipeusisat; manusia ngon nyan bek jikalon keubeunaran. Cuba tabeuet lam kitab Roma 5:12.

Padub-padub droe Filsuf geupeugah bahwa manusia lahe lam keuadaan gleh (hana meudesya). Meunyoe jihnyan tinggai lam lingkongan nyang jeuhet, jihnyan teupeungaroh ngon lingkongan jihnyan, sabab lam manusia na naluri-naluri nyang bahpih meukeusut mangat jeuet keumulia, jitamong bijeh-bijeh keujipubet nyang jeuhet.

Tanyoe tameurunoe nibak peungalaman bahwa hana makheulok udeb hase jipeulahe makhlok nyang laen. Leumoe hana hase jipeulahe bubiri, dan lagee nyang ka geupeugah le Almaseh, “Tanyoe hana tapot boh anggo nibak tamah meuduroe” Hukom nyoe pih keunong cit ateuh mandum umat manusia le sabab Nabi Adam, Ayah indatu banmandum manusia, gobnyan geubeurontak ubak Po teu Allah. Allah geu use Nabi Adam nibak lam syeuruga, dan Nabi Ad.am teupaksa tinggai nibak tanoh nyang geukutok sabab le desya. Lam bumoe nyoe Nabi Adam geupeutron aneuek-aneuek sibagoe keuturonan geuh nyan pih seucara alamiah. Nyan pih meusajan teuuse sabab hana le jeuet keuwareh Syeuruga. Alkitab ngon teugaih teupeugah nyoe watee Nabi Daud geupeupah:

Seulaen nibak nyan, Rasui Paulus pahlawan iman nyan, ka geupeugah ngon ileuham nibak Roh Kudus. “Hana nyang beutoi,meusidroe pih hana. Hana meusidroe pih nyang meubudho basa, hana meusidroe pih nyang jimita Allah. Banandum ureueng nyang jipubuet desya, awaknyan banmandum hana meuguna, hana nyang pubuet get, meusidroe pih tan” (Roma 3:10-12).

Sidroe sinaji Inggreh, Huxley, geutuleh lagee nyoe:Nibak banmandum nyang teuseulidek, hana nyang troh ubak keuputosan nyang meunan seudeh leumpah na nibak teuseulidek evolusi manusia, sabab nibak on-on itam seujarah takalon bahwa manusia jikuasa le kuasa-kuasa nyang na lam droe jih nyang teukeundali jihnyan ngon teunaga nyang luawabiasa.

...jihnyan na kheueh nyang leumoh meunan cit buta ateuh kuasa-kuasa nyan nyang teutulak jihnyan ubak keuhancoran; dan jihnyan sabe lam teumakot nyang teupeu jeuet eksistensi jih jeuet keubeuban nyang geuhon nyang hase teupeureuloh tuboh jih ngon khawate lom deurita-deurita. Oh ka lheueh meuribee-ribee thon jihnyan teutab okeunum nyang saban, jimuprang ngon ji ienanya, teuma jiwoe keujipeumoe ba-e kawom jih nyang ka meuninggai donya dan jikhuh jrat-jrat awaknyan....”

Peu kheueh tanyoe peureulee keusaksian-keusaksian seujarah nyoe mangat jeuet teumuphom fakta nyoe? Peue kheueb hana seb nibak manusia rot teuamati keupribadian jih nyang paleng lhok, keuteuteupeue peue-peue nyang jikheun le ate jih meunan cit mangat teuinsaf bahwa desya keubiet jikuasa droe jih? Sikeubiet jih na desya lam udeb tieb-tieb manusia ka teupeue le mandum ureueng, sabab keujeuhetan sifeuet manusia ka jeulaih nibak haba bahwa jihnyan rhot lom, keucuali jihnyan geutulong le Roh Kudus.

Ngieng kheueh seujarah desya nibak abad-abad nyang ka treb seucara sikreb mata, gata teuma takalon ngon trang bahwa didalam droe manusia na meuheuet keuneuk jipubuet jeuhet. Manifestasi nyang phon nibak keuadaan nyoe na kheueh jipoh mate Habel le aduen droe jih Kain. Bandua awaknyan na kheueh aneuek Nabi Adam.

Ulon keubiet seudeh that watee lon baca surat gata nyang punoh ngon haba meupansie keuhai desya nyang nyang tuboh, dua hai nyan jipurunoe le Injil. Gata tapeugah, “Peue nyang jipeucaya le ureuenag Kristen hase teupeusapat lam mitos desya ngon nyang teuboh le Saleb.”

Leubeh get yoh bunoe gata tatanyong ubak ureueng-ureueng Kristen mangat jipeutrang hai-hai nyan, nyang paih lagee peurintah Al-Qur'an ubak Nabi Muhammad: “Kamoe hana meukirem sigohlom gata, keucuali ureueng-ureueng agam nyang kamoe brie wahyu uba.k awaknyan; teuma teuma nyong kheueh ubak ureueng nyang na ieleume peungeutahuan meunyoe gata hana tateuepe”. (Surat An Nahl ayat 43). Jalalain geutafeuse ayat nyoe lagee nyoe:

Keuhai desya dan teusampoh desya rot teuteuboh keubiet peunteng that. Sigohlom tasimak leubeh lhok lom, teuma saboh cara keue teu peuphon nyan, na kheueh ngon cara teukalon peuristiwa-peuristiwa peunteng nyang na teutuleh lam Alkitab phon nibak teucebta manusia nyang teupeujak geunaseh Allah keue teupeuseulamat manusia.

Alkitab teupeurunoe bahwa Allah geucebta manusia menurot gamba ruman Gobnyan, dan geupeujanji keuhai udeb ubak awaknyan, ngon syarat gobnyan muteulak patoh ubak peurintah-peurintah Gobnyan. Lam kitab suci na teutuleh dan tabeuet lagee nyoe:

Na treb jih saboh masa Nabi Adam tinggai lam keubon Syeuruga lam keuadaan gleh, geunekmat peuseukutuan rohani ngon Po teu Allah. Dan peuseukutuan nyoe keubiet leumpah that mangat ate Nabi Adam. Nabi Adam gleh nibak desya dan lam keuadaan nyang lageenyan bagoe keubiet mangat that ate Allah. Gobnyan pih sampoe reuna dan teu-urapi teuma ngon Roh Allah. Gobnyan keubiet sidroe ureueng nyang keubiet-keubiet meuiman dan iman geuh nyan jeuet keujaroe nyang teusunyueng mangat geuteurimong beureukat-beureukat Allah. Gobnyan ureueng nyang beutoi, le sabab lam keuadaan beutoi kheueh sidroe-droe ureueng, jiteubiet nibak droe jihnyan cahaya Po teu Allah.

Teuma bahpih Nabi Adam meuteume hak-hak rohani geuhnyan, Allah geupeuizin indatu manusia nyan keuteu ujoe. Meukeusut teuujoe nyoe na kheueh: Peue kheueh Nabi Adam teutab taat dan seutia ubak Po teu Allah nyang ka geukaronya meubagoe beureukat nyan keue gobnyan?

Ngon haba laen, meukeusut Allah ngon teu ujoe ayah indatu umat manusia nyan keuteupeu runoe ubak gobnyan bahwa na tabeng salah ngon beuna (beutoi). Lom teuma ngon na tabeng ngon ampeueng nyoe meunyoe jijak nyan ka rhot ubak teulanggeh (teulangga). Allah geupubuet nyoe seucara simboi mantong ngon cara geukeubah boh kayee nyang teutam nyan lam keubon meusajan-sajan ngon Nabi Adam.

Padubna seudeuhana jih teu-ujoe nyan teuma jeuet keunyata watee Jen (Iblih) teuka ngon cara jirayu ngon jigoda. Nyang ba sisat nyan jijak ubak Siti Hawa ngon meulagak lagee sidroe nyang brie naseuhat nyang teuma teupike peue nyang get keue ayah ngon ma nyang phon. Teumanyong jih nyang phon ubak Siti Hawa deuh jih keubiet seudeuhana that “Teuntee Allah meurfeureuman, banmandum bak kayee nyang na lam keubon nyoe bek gata pajoh boh jih, meunan kon ?” (Keujadian 3:1). Teumanyong nyan keubiet jiteuka rasa hireuen lom sagai-sagai hana situju. Sang-sang si jeuhet nyan jipeugah, “Ulon hireuen, keubiet hireuen that bahwa Allah jeuet geupeugah lageenyan!”

Watee Hawa geudeungoe tutoe haba Jen ngon haloih lom lisek nyan, gobnyan pih jiteuka bimbang, jiteuka ragu ubak peurintah Po teu Allah. “Sabab Allah geuteupeue bahwa watee gata tapajoh boh keyee nyan, mata gata laju teubleut dan gata laju jeuet lagee Allah, tateupeue keuhai nyang get ngon nyang jeuhet” (Keujadian 3:5).

Tutoe haba nibak musoh deuh jih get nyan keubiet yaken that, bahwa Allah geupeuget hai-hai nyang teutam nyang hana patot keuteutam gobnyan ngon lakoe geuh mangat meuteume peungeutahuan lagee Gobnyan. Inong nyan ka jiteuka ragu-ragu, le sababnyan laju geutem peue nyang ka jishsah le Jen nyan. Keue nyang phon that, Hawa geungieng boh kayee nyan get keuteupajoh meunan mangat that deuh jih lom teu tarek ate. Laju gobnyan geucok boh kayeenyan dan geupajoh seulaen nibak nyan geubrie teuma keue lakoe gobnyan mangat lakoe pih geupajoh teuma. Laju awaknyan pajoh meusajan-sajan. (Keujadian 3:6-8).

Meunan kheueh keujadian jih rhot ureueng tuha tanyoe nyang phon u dalam desya. Inong nyan rhot watee gobnyan ka teuka ragu-ragu keuhai get Tuhan ateuh gobnyan. Gobnyan meuheuet leubeh manyang nibak nyang patot keu gobnyan. Gobnyan meuheuet that beusaban-saban ngon Allah lam hai peungeutahuan dan geupeurhoh teuma lakoe geuh keu buet nyang hana patot nyan. Ngon cara geusitot lakoe geuh, Nabi Adam ka geupeubateue janji gobnyan ngon Allah dan sampoe ka lewat bak bataih-bataih nyang geupeubrie le Allah keue gobnyan. “Dasya na kheueh teulanggeh hukom” ( I Yah 3:4) Alkitab teutuleh meunoe, “Upah desya na kheueh mawot” (Roma 6:23). Ngon nyan, Adam ngon Hawa geuteurimong hukoman nyan. Lagee nyang ka geupeurintah le Allah, “Bak uroe gata tapajoh nyan, pasnti gata mate” (Kej 2:17). Mate nyang lageenyan kon kheueh teupeuhancoe tuboh nyang na lam jrat, teuma na kheueh mate rohani nyang meumakna teuseksa siumu masa.

Watee Nabi Adam geuiengkeue ubak peurintah Allah, “Teukutok kheueh tanoh le sabab gata; ngon apoh apah gata tamita rezeki nibak tanoh sipanyang udeb gata, tamah meuduroe meunan cit na leueng meuduroe nyang jipeuhase keue gata, dan sinaman nyang udeb lam padang nyang jeuet keue peunajoh gata; ngon jiteubiet reuoh gata mita peunajoh gata, sampoe gata tawoe lom ubak tanoh, sabab nibak nyan gata teucok; sabab gata abee gata teupeuwoe lom jeuet keu abee.” (Keu 3: 17-19).

Oh ka lheueh geupeurhot hukoman nyoe, Tuhan Allah laju geuuse Nabi Adam ngon peurumoh gobnyan, “Siti Hawa nibak keubon Syeuruga. Awaknyan laju meuwot-wot ateuh bumoe akhejih jeuet keupeutani. Awaknyan pih laju geupeutron keuturonan, teuma aneuek-aneuek awaknyan pih hana hase teutamong lam syeuruga lagee watee gobnyan ilee (Adam ngon Hawa). Lam kitab Roma 5:12 na teutuleh lageenyoe:

Padub-padub droe filosof na geupeugah lagee nyoe: Manusia teupeulahe lam keuadaan gleh (murni), teuma meunyoe jihnyan udeb nibak lingkongan nyang hana get; jihnyan teupeungaroh le lingkongan nyan, ngon nyan teuma jihnyan rhot ubak desya. Keubiet beutoi lingkongan nyang kutoe teupeusabab desya jeuet ji meu-eue. Teuma meunan cit, manusia teupeulahe ngon meubagoe naluri, lamkawannyan na kheueh naluri-naluri keuteupeu buet jeueht.

Tanyoe tameurunoe nibak ajaran Illahi nyan bahwa Allah geupeuna janji keuhai udeb ngon Nabi Adam, kon keu keupeuntengan gobnyan, teuma keu keupeuntengan keuturonan gobnyan. Ngon lageenyan, Nabi Adam ka jeuet keuwaki nibak banmandum umat manusia., paih lagee feureuman Allah, “Sabab saban lagee mandum ureueng mate nibak peuseukutuan jih ngon Nabi Adam, meunan cit teuma banmandum ureueng geupeu udeb lom nibak peuseukutuan ngon Almaseh.” (I Korintus 15:22). Sabab nyan, saban lagee le sidroe ureueng nyang meulanggeh akhe jih banmandum ureueng keunong hukom, meunan cit teuma le saboh buet nyang beutoi banmandum ureueng meuteume keubeunaran mangat udeb.” (Roma 5:18-19).

Gata ka tatanyong “Peue nyang ka jeuet ateuh awaknyan sigohlom Almaseh, lamkawan awaknyan na rasui-rasui atawa nabi-nabi nyang geugaseh le Allah” Awaknyan hana jiteurimong Aneuek Allah, bahpih nyan peureulee, meunan cit awaknyan hana jiaku ubak Saleb nyan.” Keuteujaweueb teumanyong nyoe, tanyoe haroh tawoe ubak jamen sigohlom rhot meunan cit ekeuhai teu-use Nabi Adam. Lam kitab Keujadian 3:7-8 na teutuleh lageenyoe:

Inoe deuh takalon akibat phon nibak desya na kheueh rasa malee, keudua rasa takot, dan nyang keue lhee teupeu hakem. Lam hainyoe Alkitab na teutuleh lagee nyoe:

Sibagoe punutob keuhai nyoe, Alkitab geupeurunoe bahwa Nabi Adam sibagoe bapa indatu umat manusia geupeuwareh ubak keuturonan gobnyan meubagoe hai nyang rhot ngon keunong ateuh gobnyan.

Lom teuma, nabi Adam na kheueh waki nibak bansa gobnyan, dan janji janji Allah ubak gobnyan rhot cit teuma ateuh keuturonan gobnyan. Watee Allah geu-use Nabi Adam nibak keubon Syeuruga, hukoman nyan keunong cit teuma ateuh keuturonan Gobnyan.

Awaknyan lahe lam donyan nyang ka teukutok le sabab gobnyan dan haroh mate lagee toh nabi Adam haroh mate. Meunan cit hukoman nyan geuteurimong cit le Siti Hawa. Na kheueh saket nyang luwa biasa watee geutoh aneuek, meunan cit hainyan teupeutron cit waresan ubak aneuk-aneuek inong. Ahli Filsafay Abu El Alaa geuyaken that ateuh keubeunaran-keubeunaran nyoe gobnyan geupeugah lagee nyoe:”Buet nyoe, ayah ulon nyang peujeuet nyoe ateuh ulon, lom teuma ulon haroh meudeurita, bahpih ulon hana lon peubuet ateuh soe mantong. “Leubeh kureueng dua ribee thon nyang ka ulikot, Rasul Paulus geupeu maklum haba nyang geuhon that nyoe, “Sabab tanyoe ta teupeue bahwa hukom Taurat na kheueh rohani, teuma ulon na kheueh meusifeuet asoe (nafeusu), teupubloe dimiyueb kuasa desya. Sabab peue nyang ulon pubuet, ulon hana lon teupeue. Sabab bukon peue nyang ulon lakee nyang ulon pubuet, teuma peue nyang ulon banci, nyang kheueh nyan ulon pubuet. Teuma, meunyoe ulon peubuet peue nyang hana ulon galak, ulon situju bahwa hukom Taurat nyan get. Meunyoe meunan kon le ulon nyang pubuet nyan, teuma desya nyang na nibak ulon. Sabab ulon kuteupeue, bahwa lam droe ulon, na kheuh lam droe ulon sibagoe manusia, hana sapeue-sapeue pih nyang get. Sabab meuheuet keubiet na lam tuboh lon, teuma kon hai teupubuet peue nyang get. Sabab bukon peue nyang ulon lakee, na kheueh nyang get, nyang ulon pubuet, teuma peue nyang hana ulon meuheuet, na kheueh nyang jeuhet, nyang ulon pubuet. Ngon nyan, meunyoe ulon pubuet peue nyang hana ulon meuheuet, ngon nyan kon le ulon nyang pubuet nyan, teuma desya nyang na seungab lam tuboh lon. Meunan kheueh jeuet jih ulon meuteume hukom nyoe; meunyoe ulon meuet keuneuk pubuet peue nyang get, nyang jeuhet nyan na bak ulon. Sabab lam baten lon ulon galak keue hukom Allah, teuma nyang na di dalam, anggota-anggota tuboh lon ulon ngieng hukom nyang laen nyang meujuang jilawan hukom akal budho lon dan teupeujeuet ulon sibagoe tawanan hukom desya nyang na lam anggota-anggota tuboh lon.” (Roma 7:14-23).

Lam Alkitab na teutuleh, : “Upah desya na kheueh mawot, teuma karonya Allah na kheueh udeb nyang keukai lam Isa Almaseh, Tuhan tayoe” (Roma 6:23). Dan.... teuma bak kayee peungeutahuan keuhai nyang get ngon nyang brok (nyang jeuhet), nyan, bek kheueh gata pajoh boh jih, sabab nibak uroe boh kayee nyan gata pajoh ka pasti gata mate”. (Keuj 2:17). Beutoi Nabi Adam ngon Siti Hawa mate seucara rohani dan gadoih peuseukutuan rohani nyang mameh ngon peuceba awaknyan nyang gaseh awaknyan, dan hana meuheuet le na lam hadhirat Gobnyan. Padubna teumakot jih kalimat nyan, “Sabab bak uroe gata pajoh nyan, ka pasti gata mate. “Watee Nabi Adam geudeungoe keuputosan nyan, gobnyan ngon peurumoh geuh laju geumusom dikeue Po teu Allah sabab desya awaknyan. Le sababnyan Allah feureuman rot Nabi Yesaya, “Teuma nyan teupeujeuet teupeu aseng gata ngon Allah gata na geumusom nibak gata, sampoe Gobnyan hana geudeungoe na kheueh banmandum desya gata.” (Yesaya 59:2).

Alkitab teupeurunoe bahwa karakter Allah sampoereuna, dan lamkawan sifeuet-sifeuet Gobnyan na kheueh ade ngon beuna nyang hana bataih. Gobnyan geupeurhot hukom mate ateuh Nabi Adam nyang beurontak. Teuma lagee toh keuhai ade ngon beuna Gobnyan teutab meuubah. Geunaseh Gobnyan keubiet ajaeb that nyang amponan Gobnyan hana meubataih. Nyoe geupeugah ngon feureuman Gobnyan, “Ulon Lon gaseh gata ngon geunaseh nyang keukai, lesabab nyan Ulon hana lon peuputoh geunaseh Lon ateuh gata” (Yeremia 31:3).

Ngon nyan, geunaseh nyang meulimpah-limpah nyan jeuet keumeuteuen nibak manusia, sabab Allah meufeureuma, (Keumuliaan ngon keuhormatan keue Gobnyan), “Deumi ulon nyang udeb, meunan kheueh feureuman Tuhan Allah, Ulon hana galak ateuh mate ureueng fasik (jeuhet), teuma nyang Ulon na kheueh ureueng fasik nyan meutobat nibak pi-e jih mangat jeut jihnyan udeb (Yehezkiel 33:11).

Prentice, sidroe peungacara nyang paleng meusyeuha, geutob peumbilaan gobnyan ateuh sidroe ureueng teutudoh, “ulon beuet lam saboh kitab bahwa Allah geutanyong ubak keuadelan, Keubeunaran ngon Gaseh, “Peue kheueh ulon teuma lon cebta manusia?” Keuadelan jijaweueb, “Bek, sabab jihnyan jigiloe-giloe banmandum hukom gata dan jihina teuma”. Oh lheueh nyan keubeunaran jipeugah teuma, “Bek! Bek cebta jihnyan, sabab jihnyan jeuhet ngon manyang ate (sombong), jipeugah haba ngon tutoe haba nyang sulet (buhak)”. Ngon jipeugah kheueh Gaseh “Ulon kuteupeue bahwa jihnyan teuma jeuet lagee nyang gata peugah, teuma, ngon banmandum buet jih nyang salah dan nyang jeuhet nyan, ulon lontem lon peulara jih nyan meulalu rot nyang seupot, sampoe ulon ba jihnyan lom ubak gata”.

Ulon ka lon peugah sigohlom nyoe bahwa keureubeuen-keureubeuen nyang teusie kana watee manusia nyoe na, dan banmandum nyoe teutunyok ubak Aneuek Bubiri Allah, nyang sampoh desya donya.” (Yahya 1:29).

Tanyoe meurunoe nibak Alkitab bahwa keureubeuen darah nyang geupeuseumah le Habil na kheueh sibagoe bubayang nibak teuteuboh nyang teuma teuka. Buet Habil nyan na kheueh paih lagee nyang geukeuheundak le Allah, nyang leubeh kong lom teudorong ngon teuileuham le Gobnyan. Na tabuet lam Alkitab bahwa, meunan ie raya nyan surot, laju tanoh ka tho. Nabi Nuh ngon rombongan geuh geutron geutinggai kapainyan; buet geuh nyang phon na kheueh geupeudong miseubah keue Tuhan lheuehnyan laju geupeuseumah keureub nyang teutot nibak meubagoe beulatang ngon cicem nyang hana hareuem, dan, “Tuhan geucom keureuen nyang mangat bee nyan”. (Keuj 8:20-21). Meunan cit ngon bubiri agam nyang geujok le Po teu Allah ubak Nabi Ibrahim mangat geukeureubeuen geunantoe aneuek gobnyan (Keuj 22:13). Keubiet sibagoe simboi nibak teuteuboh desya nyang agong nyang geuatoe le Allah nibak keureubeuen Almaseh keue watee ukeue. Meunan cit deungon aneuek bubiri paskah nyang Allah jok keu umat Israel mangat awaknyan sie dan jisampoh darah nyan ambang tameh pintoe blaih u ateuh rumoh awaknyan, nyan na kheueh tipe nibak Bubiri Paskah nibak Peunajian Baroe. Bubiri nyang jisie nyan na kheuh Aneuek Bubiri Allah lagee toh nyang na geupeugah le Rasui Paulus, “Sabab Aneuek Bubiri Paskah geutanyoe pih ka teusie, na kheueh Almaseh. Le sababnyan, jak kheueh tanyoe takhunuri, kon ngon ragoe nyang awai, meunan cit kon teuma ngon ragoe nyang brok ngon nyang jeuhet, teuma ngon ruti nyang hana meuragoe, na kheueh meukur nian dan keubeunaran” ( I Korintus 5:7-8).

Hamba-hamba Tuhan lam peujanjian Awai geuteupeue ateuh leumoh jih manusia dan hana hase le Hukom Taurat keuteupeu gleh ureueng meudesya dan teupeu teunang ate nurani jih. Tanyoe ta beuet lam Kitab Ibrani na teutuleh lageenyoe:

Ngon haba laen, sistem Imeum-Imeum lam hubongan gobnyan ngon keureubeuen keureubeuen teupeuseumah na kheueh bubayang nyang teutunyok beureukat-beureukat nyang na lam Penjaujian Baroe. Sigohlom nyan, Nabi Daud geuseumah Allah ngon tutoe haba lageenyoe: “Keupeue keureubeuen gata nyan le-le”? Feureuman Tuhan, “Ulon ka hana galak le keue keureuebeuen-keureubeuen nyang teutot lagee bubiri-bubiri agam meunan cit gapah nibak leumoe nyang teumbon, darah leumoe agam ngon bubiri-bubiri meunan cit ngon kameng agam hana Lon galak. Meunyoe gata teuka keue tameuhadab ubak hadirat Lon, soe kheueh nyan lakee nyan nibak gata, bahwa gata tegiloe-giloe aleue Baet Suci Lon? Bek le gataba peuseumahan/ keureuebeun gatanyan nyang hana biet-biet, sabab bhee jih nyan na kheueh luwat that nibak Ulon. Meunyoe gata tapeuraya buleuen baroe ngon Sabat, atawa teupeuna meurok pakat meurok pakat, Ulon hana ek lon ngieng nyan, sabab peurayaan gatanyan punoh ngon nyang jeuhet-jeuhet” (Yesaya 1:11-13).

Nabi Amos na geupeugah lagee nyoe, “Ulon kubanci, Ulon kuhina peurayaan gata, dan Ulon hana galak ubak kumpolan-kupolan raya gata. Keubiet, meunyoe gata tapeuseumah keue Ulon keureubeuen-keureubeuen nyang teutot meunan cit ngon keureubeuen-keureubeuen teuhidang gata, Ulon hana harok, dan keureubeuen. keuseulamatan gata lagee beulatang peulara nyang teumbon, nyan pih hana lontem ngieng. Peujioh kheueh nibak Ulon meurame-rame nyan meunan cit ngon meunyanyoe nyan Ulon hana galak, lagu rapa-i gata hana galak Ulon deungoe. Teuma, bah kheueh keuadelan meugulong-gulong lagee ie, dan keubeunaran lagee krueng nyang ie jih sabe ile!” (Amos 5:21-24).

Tujuan nyang paleng peunteng nibak peu-peu nyang kamoe peusampoe nyan na kheueh, bahwa geutanyoe taseulidek seujarah umat Israel, takalon bahwa awaknyan jitem woe lom ubak Allah di miyueb pimpenan Nabi Musa dan Yosua ateuh dasai keureubeuen-kereubeuen. Watee masa raja-raja takalon lom bahwa keureubeuen-keureubeuen keubiet teupeu peunteng that sabab disinan takalon keureubeuen-keureubeuen nyang teutot nyang hana piyoh-piyoh jipeuseumah, sampoe apui pih hantom na lon khusos simantong keurajeuen geumat le Nabi Sulaiman, Bak wateenyan meuploh ribee kureubeuen teupeuseumah, sampoe na gob peugah bahwa seujarah Israel, simantong awaknyan taat, na peuseumahan-peuseumahan ngon keureubeuen-keureuebeun. Bahpih meunan, kitab Ibrani meututoe keuhai keuseulamatannya seucara teugaih. “Le sababnyan watee Almaseh geutamong lam donya, Gobnyan geupeugah: “Keureubeuen ngon peuseumahan hana Droneueh meuheuet, Teuma Droneueh ka neukeubah tuboh keue ulon; keue keureubeuen nyang teutot dan keureubeuen teusampoh desya. Droneueh hana neuteurimong”. Laju Ulon peugah, “Keubiet, Ulon teuka; lam geunulong kitab na teutuleh keuhai Ulon keulon peubuet keuheundak Droeneueh ya Alllah Lon. (Ibrani. 10:5-7).

Roh Kudus seucara khusus geupeuteugaih lom bahwa Allah hana mungken geupeu amphon ureueng meudesya ngon teukeureubeuen saboh beulatang, laen hai meunyoe nyan sibagoe simboi keu keureubeuen nyang laen. “Keubiet ulon teuka keue lon pubuet keuheundak Droneueh,” Meunan kheueh kheun feureuman nyang ka jeuet keumanusia, nyoe sibagoe teutunyok bahwa Tuhan hana gentulongle ubak keureubeuen-keureubeuen beulatang keusucian Gobnyan meunurot keureubeuen nyang leubeh manyang nyang hase keugeupeu amphon desya dan bak wateenyan kheueh Almaseh geukeureubeuen droe Gobnyan keudroe keuteusampoh desya nibak banmandum umat manusia. Nyang kheueh sabab jih geupeugah.

“Nyang phon geusampoh mangat geupeudong nyang keudua. Dan le sabab keuheundak Gobnyan nyoe kheueh tanyoe ka geupeusuci sigoe keusiumu masa le keureubeuen tuboh Isa Almaseh.” (Ibrani10:9-10).

Jinoe, izin kheueh ulon beuet lon peugah padub-padub boh lamkawan peu-peu nyang ka gata peugah nyang gata klem bahwa lam doktrin Kristen le that-that ajaran-ajaran nyang asaijih nibak teuseumah beurala”

Alkitab na teupeugah bahwa Baal jeuet keubatee meugantoh keu umat Israel sabab awaknyan jilanggeh peurintah-peurintah Allah watee awaknyan jipeuturi nyang seumah Baal Izebel, peureumai suri Ahab. (I Raja-raja 18:17-40).

Seucara singkat, nyang seumah Baal ka lezem lam masyarakat Timu bak watee nyan. Le sabab nyan kheueh jihnyan teuboh nan ngon meubagoe nan, sabab tieb-tieb bangsa na nan keudroe keu dewa nyan. Dan nan-nan nyan teupeuphon ngon nan Baal, dan bak akhe jih ngon nan Neugahra atawa banda nibak teumpat dewa nyan na, atawa teupeugah cit ngon nan meunurot saboh simboi jih, miaeue jih:

Bak watee sithon bak-bak kuruma hana muboh. Awaknyan ka deuek leumpahna akhejih dewa droe jih jipajoh teuma, sabab dewa droe jih nyan jipajoh akhejih sidroe tukang ca-e keujituleh, “Huthayfa kajipajoh teungku droejih bak watee museum deuk. Awaknyan hana jitakot keue watee tuha meunan cit hana jipakoe peu kheueh dewa awaknyan jihukom droejih atawa jibrie beureukat”.

Dan jinoenyoe kamoe keuneuk lakee naseuhat syefara (gata), Imeum Abu Zahra dan Ahmad Syalabi, soe lamkawan Baal-baal nyan nyang gata rekomondasi ubak peuikot-peuikot gata nyang hase teupeubandeng ngon ajaran-ajaran Kristen atawa keuhai udeb Isa.

Meunyoe kamoe, kamoe meumumat ubak Isa Almaseh nibak seujarah nyang geusaksi le Al Qur’an.

Lamkawan hai-hai nyang gata peugah nyan gata kheun teuma;

“Oh lheuehnyan na titek nyang saban Budha ngon Almaseh nibak dua ploh dua boh pokok masaalah - keuhai lahee awaknyan meunan cit keuhai peuristiwa nyang meubagoe teuma, teuma lom mangat bek leubeh le, kamoe pih na meucetet leubeh jai lom.

Ulon hana jeuet lon peubiyeue masaalah nyoe jijak meunan mantong ngon hana lon peubandeng nibak bandua nyan bak watee muda awaknyan.

Haba nyang jiba le Budha teucalitra lam karya Budha nyang paleng phon, dan sarijih na kheueh lageenyoe:

Watee gobnyan geungieng bansiliengka geuh, laju geukalon na peuet droe ratu nyang teungoh geupeurab bak gobnyan; le ratu-ratu nyan laju geupeusuci gobnyan, geupeungui peukayan nyang get-get ubak gobnyan, lheuehnyan laju geu arab ngon minyeuk mangat bhee. Oh lheueh nyan awaknyan laju jibeuot teuma gobnyan u teumpat laen nyang banmandum nyan teupeuget nibak pirak lheuehnyan laju jikeubah ateuh peuratah kudus nyang laen.Hana teusangka-sangka saboh gajah puteh jitron nibak gunong meuh, dan bak beuralee jih na saboh tangke bungong padma. Gajahnyan jikeulileng teumpat eh geuh lhee goe, laju tupeh ngon bineh blaih uneuen peureumaisuri nyan, lheueh nyan laju jitamong lam rahim gobnyan.

Gohlom seuleusoe peureumaisuri geucalitra lumpoe geuhnyan, le raja laju geuyue jaktueng 64 droe ureueng malem. Awaknyan teuka bak meuligoe jideungoe lumpoe peureumaisuri nyan. Awaknyan laju jipeugah ubak raja,”Bek khawate, Amphon Raja. Meusukacita kheueh, sabab peureumaisuri teungoh mume sidroe aneuek agam. Jihnyan teuma jeuet keu Raja ateuh banmandum nanggroe, meunyoe gobnyan tinggai lam meuligoe; teuma meunyoe gobnyan geuteubiet lam meuligoe laju geujak meungeumbara, gobnyan teuma jeuet keu Budha, nyang geubuka tudong bangai nibak muka donya.

Pangeran nyan udeh jih punoh ngon keumewahan lam meuligoe ayah jih. Gobnyan keudroe geupeugah lam saboh kitab nyang geutuleh:

Udeb ulon leumpah that mangat, nibak meuligoe ayah lon le that kulam nyang timong ngon teutob ngon bungong bakong. Kulam nyang phon na bakong nyan wareuna jih ijoe, kulam keudua bakong jih mirah, nyang keu lhee ngon bakong puteh, banmandum nyan geupeuna keungon lon nekmat mangat ulon bahagia lom harok ate.

“Ulon na lhee boh meuligoe, saboh keumusem sijuek, saboh keu museum uroe, dan nyang keu lhee keumuseum ujeuen. Ulon na peuet buleuen nibak meuligoe museum ujeuen. Nibak teumpat nyoe ulon jikeulileng le dara-dara meunyanyoe meunan cit ngon namiet-namiet nyang inong. Ulon baroe kheueh lon tinggai meuligoe nyoe meunyoe museum uroe teuka.”

Ayah gobnyan nyan raja geucok keuputosan keu geupeu gabhuek aneuek geuhnyan ngon udeb meukeuluarga nyang mangat that, dan jikeulileng gobnyan ngon meureutoh droe dara-dara ceudah. Sibagoe dara baroe keu pangeran gobnyan geupileh Putroe Yosodhar, aneuek dara nibak apha gobnyan Raja Koli, Putroe nyan leumpah lagak lom ceudah meunan cit meunarek that ale na treb jih padub-padub watee, pangeran nyan udeb bahgia ngon peurumoh geuh.

“Lam buleuen nyang keunam Allah geuyue ubak malaikat Jibrail mangat geujak ubak saboh banda di Galilea nyang nan jih Nazaret, ubak sidroe aneuek dara peurawan nyang meutunangan ngon sidroe agam nyang nan jih Yusuf nibak keuluarga Nabi Daud; nan aneuek peurawan nyan Maryam. Watee Malaikatnyan geutamong u rumoh Maryam, gobnyan geupeupah.

Salammu'alaikom, he gata nyang geukaronya le Tuhan nyang na meusajan gata”. Maryam teukeujot watee geudeungoe tutoe haba nyan, laju jitanyong lam ate gobnyan, peue kheueh makna saleuem nyan. Kheun malaikat nyan ubak gobnyan:

“Jaweueb malaikatnyan ubak Gobnyan, “Roh Kudus teuma jitron ateuh gata dan kuasa Allah Nyang Mahamanyang teuma geulindong gata; sababnyan, aneuek nyang teuma gata peulahe teupeugah kudus Aneuek Allah. Dan sikeubiet jih, Elisabet, syedara gatanyan, gobnyan pih teungoh mume sidroe aneuek agam bak watee gobyan ka tuha dan nyoe kheueh buleuen nyang keunam nibak gobnyan, nyang teupeugah malee nyan. Sabab nibak Allah hana nyang mustahe.”

Riwayat lahe Isa Almaseh. na kheueh lageenyoe: Watee Maryam, ma Gobnyan, meutunangan ngon Yusuf, rupari gobnyan mume nibak Roh Kudus, sigohlom awaknyan udeb sibagoe lakoe binoe. Sabab Yusuf, lakoe gobnyan, sidroe ureueng nyang jujoe ate dan hana geutem peukutoe nan peurumoh geuh bak rakyat ba, gobnyan na niet keuneuk taleuk Maryam ngon cara seungab-seungab. Rupari, watee gobnyan geupeutimang meukeusut nyan, malaikat Tuhan laju deuh ubak gobnyan lam lumpoe sira geupeugah, Yusuf, aneuek Daud, bek kheueh gata takot tacok Maryam sibagoe peurumoh gata, sabab aneuek nyang na lam pruet jihnyan na kheueh nibak Roh Kudus. Gobnyan teuma geupeulahe sidroe aneuek agam dan gata teuma taboh nan geuhnyan Isa, sabab Gobnyan nyang teuma peuseulamat umat Gobnyan nibak desya awaknyan”.

Hainyan na mangat geunab kheueh peue nyang ka geufeureuman le Tuhan rot Nabi: “Sikeubiet jih, aneuek daranyan teuma mume dan jipeulahe sidroe aneuek agam, dan awaknyan teuma geuboh nan jihnyan 'Immanuel' nyang makna jih 'Allah na meusajan tanyoe” (Matius 1:18-23).

Meunan cit teuma Yusuf geujak u banda Nazaret di Galelia u Yudea, u Banda Daud nyang nan jih Betlehem, sabab gobnyan asaijih nibak keuluarga ngon keuturonan Nabi Daud mangat teudafeutar meusajan-sajan ngon Maryam, tunangan gobnyan. Maryam watee nyan teungoh mume. Watee awak nyan trok keunan trok kheueh watee jih nibak Maryam keuneuk peulahe aneuek, dan gobnyan laju geupeulahe sidroe aneuek agam, aneuek gobnyan nyang tuha, laju geubalot ngon ija tumpee lom geupeue eh lam palong, (teumpat peunajoh beulatang peulara) sabab hana teumpat nibak awaknyan lam rumoh teumpat eh (losmen).

“Nibak daerah nyan na tukang-tukang meurabe nyang teungoh jirabe beulatang peulara jih watee malam. Ngon hana jisangka-sangka geudong kheueh sidroe malaikat Tuhan dikeue awaknyan dan oh lheuehnyan keumuliaan Tuhan laju meuble-ble keunong bansaboh tuboh awaknyan dan awaknyan teumakot leumpah na. Laju geupeugah le malaikat nyan ubak awaknyan, “Bek takot, sabab nyang sikeubiet jih ulon keuneuk peugah ubak gata haba nyang mangat ngon harok that na kheueh keumandum bansa; uroenyoe, ka lhe keue gata Juru Seulamat, na kheueh Almaseh, Tuhan, di banda Daud. Dan nyoe kheueh tanda nibak gata: Gata teuma meurumpok ngon sidroe aneuek manyak nyang teubalot ngon ija tumpee dan teu eh lam palongan.”

Dan ngon hana jisangka-sangka leubeh kheueh meusajan-sajan ngon malaikat nyan sidubnyan le bala tantra syeuruga nyang jipujoe Allah, Kheun awaknyan,

“Oh ka lheueh malaikat-malaikat nyang geutinggai awaknyan dan geuwoe lam syeuruga, le tukang-tukang meurabe nyan laju jimarit sakeudroe-droe jih: “Boh jak tajak u Betlehem keutajak ngieng peue nyang ka teujadi disideh, lagee nyang geubrie le Tuhan ubak geutanyoe”.

Dan watee ka trok lapan uroe dan gobnyan pih haroh teupeusunat Gobnyan teuboh nan Isa, na kheueh nan nyang geupeugah le malaikat sigohlom Gobnyan geukandong le ma geuh.”

Nibak peue nyang gata peugah nyan deuh that bahwa gata tapeugah na keumirepan lagee peue nyang jipeucaya le ureueng-ureueng Budha ngon peue nyang jipeucaya le ureueng Kristen keuhai lahe peumimpen awaknyan. Peundapatnyoe nyang sikeubiet jih hana meudasai, dan istilah ureueng Kristen jipeugah..... nyang gata galak tangui tapeusuram keuhai kudus Almaseh, nyan pih hana saban ngon peue nyang teupeugah lam Al-Qur'an keuhai keumuliaan Gobnyan nibak teupeubeueoh ureueng-ureueng mate, geupeupuleh ureueng nyang tulo meunan cit ureueng-ureueng nyang keunong peunyaket budok, keu utamaan Gobnyan lom rab Gobnyan ngon Po teu Allah.

Teuma Isa udeb lam keuadaan gasien sibagoe utoh kayee. Watee Gobnyan geupeuphon peurunoe gob (peulayanan.), sidroe ureueng nyang malem kitab Taurat geupeugah bak Gobnyan, “Guree, ulon kuseutot Droneueh, hoe mantong nyang Guree jak”, dan Isa geujaweueb, Asee srigala na uruek teumpat jih tinggai meunan cit cicem na eumpueng teumpat jih woe, teuma Aneuek Manusia hana teumpat keue jikeubah ulee jih”. Jinoe ulon keuneuk jaweueb nyang gata tudoh nyan bahwa nyang gata peugah ureueng Kristen jipeugah Isa Aneuek Allah na kheueh hujat....!

Lam Al Qur’an na teutuleh lagee nyoe, Gobnyan nyang cebta langet ngon bumoe lagee toh Gobnyan na aneuek padahai Gobnyan hana meu inong (peurumoh).Gobnyan geucebta peue-peue man-tong, Dan Gobnyan geuteupeue peue-peue mantong” (Surat Al an'aam ayat 101).

Al-Baidawi geupeugah keuhai ayat nyoe na kheueh lagee nyoe: “Ka lazem meunyoe sidroe aneuek lahe nibak ureueng agam atawa inong, (Jeuneh nyang saban) teuma Allah hana meupurumoh”

Nyoe kheueh pandangan Islam, bahwa hana mungken Allah na aneuek sabab Gobnyan hana meupurumoh, meunan cit hana mungken Gobnyan na purumoh. Nyang kheueh sabab jih ureueng Islam geupeugah bahwa Isa kon kheueh Aneuek Allah. Hana keumungkenan na keuturonan meunurot rotpikeran Al Qur’an seulaen rot hubongan meusituboh agam ngon inong. Cara seumike nyang lageenyan didukong teuma le kitab nyang geutuleh le Jams El Bayani kitab geukarang le Imeum Tabari. Lam kitab nyoe gobnyan geupeugah, (meunurot Ibunu Wahab, meunurot Abi Zaid)” sidroe aneuek hase na meunyoe na meusutuboh sidroe agam ngon sidroe inong, dan jioh kheueh nibak Allah mangat na judoe ngon nyan hase na aneuek agam. Sabab jih na kheueh, gobnyan nyang cebta peue-peue mantong, dan meunyoe hana nyang geucebta, pakriban tanyoe jeuet tapeugah Gobnyan na sidroe aneuek agam?”

Padub-padub droe ureueng malem nyang na wewenang geupeugah keuhai surat nyan, bahwa surat nyan nyang na di ateuh teutuleh oh dudoe, nyang teutuju ubak bidat-bidat nyang meusaboh ngon geureuja. Awaknyan jiusueha keuneuk jipeutamong saboh ajaran sisat, ngon jipeugah peurawan Maryam geucok teumpat venu nyang awaknyan seumah. Lam kitab gobnyan “Al Qawi Al Ibrizi” Sijana nyang meugah that Ahmad Makrizi geupeugah hainyoe (Hai 26).

Lom teuma, Ibn Hazem geupeugah ajaran sisat nyoe lam kitab gobnyan, “Al Malal Wal Ahwaa Nahl” (Hai 48). Jeuet tamuphom bahwa Al Qur’an patot teukutok ajaran sisat nyang lageenyan bagoe, sabab that-that meusimpang nibak ajaran Kristen.

Nyang beuet Al Qur’an teunte geukalon bahwa kitab nyan teubeuet peunyataan-peunyataan nyang peunteng dan nyata keuhai keagongan Almaseh dan keuhai leubeh Gobnyan di ateuh nabi-nabi nyang laen. Teuma,peunyataan-peunyataan nyan hana teupeuhah tabeng nyang sibeuna jih keuteukalon keusampoereuna Gobnyan nyang agong dan keumuliaan Gobnyan diateuh peu-peu mantong. Siulah-ulah Al Qur’an teuba ureueng nyang keuneuk jiteupeue keuhai Almaseh nyang beutoi ubak leuen geudong teuma hana teupeuhah pintoe jih. “Tlah jameun nyoe ka jipeubuta pikeran ureueng-ureueng nyang hana meuiman, sampoe awaknyan hana jikalon trang Injil keuhai keumuliaan Almaseh, nyang na kheueh gambaran nibak Po teu Allah” (II Korn 4:4).

Sikeubiet jih, Almaseh nyang abadi sibagoe Aneuek Allah, nibak ate geuh nyang miyueb meunan cit geutem teuma jeuet Gobnyan keu Aneuek Manusia deumi teuteuboh geutanyoe na kheueh dasai nibak Sukacita nyang jirasa le banmandum nyang sitot Gobnyan.

Al Qur’an geutabantah bahwa Almaseh na kheueh Aneuek Allah nyang abadi, dan teupeugah bahwa Gobnyan, saban lagee Nabi Adam, geucebta le Allah nibak tanoh (Surat Ali Imran ayat 59). Kamoe meukalon bahwa nyang paleng jiprotes le ureueng-ureueng Islam na kheueh nyang geupeugah sabe le ureueng Kristen bahwa Almaseh na kheueh Aneuek Allah.

Padub-padub droe ureueng Islam nyang fanatek jipeugah bahwa uerueng-ureueng Kristen jipeucaya bahwa Allah nyan leubeh nibak sidroe. Awaknyan jipike tanyoe na kheueh politheisme. Pemikeran nyoe nyang jeuet keusabab hana jiteupeue meunan cit le sabab sombong ngon manyang ate nyang jipeugrak le roh laen mangat ureueng-ureueng Islam bek geubeuet kitab-kitab nyang leumpah that suci nyan.

Meunyoe tanyoe tanyoeng bak ureueng Kristen nyang paleng awam pih, “Soe kheueh Allah nyan?” ureueng nyan teuma geujaweueb, “Allah na kheueh Roh nyang hana meubataih, abadi, hana meuubah geuhai gobnyan na, Gob kudus, Gobnyan ade, hikeumat Gobnyan, keuadelan Gobnyan, geunaseh Gobnyan dan meunan cit keubeunaran Gobnyan. Allah hana hase teuweuek-weuek, hana jeuet peuaaseng atawa teupeule. Gobnyan hana jeuet teubataih, le cebtaan. Hana makhlok atawa manusia nyang geucebta hase geumuphom keuhai Gobnyan na atawa sifeuet-sifeuet Gobnyan. Sabab muka awaknyan nyang teutunyok pandang ubak Gobnyan (Isa) meucahaya muble-ble lom hana teuma malee-malee. Ulon keuneuk hoi gata mangat bek tatafeuee seucara hana beutoi tutoe haba, 'Bapa ngon Aneuek sang-sang ka teujadi lahe nyang biasa. Nyang meumakna bahwa Bapa lahe leubeh ilee nibak Aneuek. Deumi keu nyang beutoi, hana ureueng Kristen nyang geupeugah lagee nyan keuhai Tuhan gobnyan nyang Esa nyan, nyang hantom na rakan ata aneuek rot teupeukeumang biak lagee beulatang. Teuma le Aneuek, nyang na kheueh feureuman nyang abadi, jiteubiet/ teuka sibagoe lagee manusia sampoereuna, phon-phon that lam pruet Maryam, hana teupeung kreeh nibak keuilahian Gobnyan pribadi. Le sababnyan Almaseh, sibagoe aneuek Maryam, na tuboh nyang sikeujab. Teuma, sibagoe feureuman Tuhan Gobnyan kana yoh awaikon jameun purbakala, Gobnyan abadi, peupeuget mujizat-mujizat ngon sifeuet Illahiah Gobnyan.

Nyang gura that, bahnyan Al Qur’an meunan Al Hadist geukalon keuhai keubeusaran Almaseh, sifeuet Gobnyan nyang hana hase geupeubuet salah meunan cit kuasa geupeuget mujizat-mujizat, Ureueng-ureueng Islam keudroe, hana geupeubeda Almaseh ngon Nabi-nabi laen keuhai sifeuet Gobnyan, seubalek jih, tanyoe takalon bahwa awaknyan that-that jibantah keuhai na Gobnyan nyang keukai siumu masa. Hadist-hadist awaknyan na kheueh calitra-calitra nyang jeuet teupeugah lagee reverensi nibak “Cahaya" Muhammad sigohlom teucebtaan",(Ngieng kitab “Insan Al Iyun nyang geutuleh le Burhan Ed Din El Halaby). Bahpih meunan, ngon alasan-alasan nyang hana hase teumuphom, Islam jikliem bahwa Nabi Muhammad na sifeuet nyang gobnyan keudroe hana geuklem, na kheueh keuhai keukai, oh lheueh nyan geubantah lom bahwa sifeuet nyan na bak Almaseh, nyang geusaksi le jai that bukeuti bukeuti.

Dr. Zwemer na geutuleh lam buku geuh lageenyoe, “Isa or Jesus” Meunyoe gata beuet buku-buku nyang jipeuteubiet le ureueng Islam di nanggroe Meuse, India ngon donya Islam laen lom, gata teuma takalon bahwa hai nyang paleng jikritek na kheueh keuilahian Almaseh ngon karya geuteuboh desya le Gobnyan keue umat manusia. Meunyoe ureueng-ureueng Kristen peucaya bahwa Isa na kheueh Allah ngon manusia lam watee nyang saban, seulaen Gobnyan na kheueh Nabi, Imeum ngon raja, ureueng-ureueng Islam laju jipeugah bahwa Gobnyan na kheueh manusia, bahpih nabi, teuma hana leubeh nibak nyan. Keuhai fungsi raja ngon Imeum, bandua nyoe na kheueh konseb nyang hana jimuphom atawa jiteurimong, sabab Islam na kheueh agama nyang hana meuimeum lom hana teuma jihareuga keuhai teutuboh desya, nyang kheueh sabab jih konseb karya Almaseh nyang keubiet that lhok nyoe tuwoe nibak pikeran ureueng-ureueng Islam.

Meunurot Dr.Sayuss, Muhammad keudroe hana geupeuphom konseb-konseb nyan, dipat gobnyan geutuleh, “Inti masalah na kheueh bahwa Nabi Muhammad hana meurasa droe gobnyan meudesya, le sababnyan hana peureulee nyang teuboih desya nyan. Konsebwensi jih na kheueh bahwa banmandum ummat gobnyan nyang ka meuabad-abad jiteuntang peumikeran nyang lageenyoe. Nyang kheueh sabab jih pakon cit bacut ureueng-ureueng Islam nyang jiteurimong Isa, meunyoe teubandeng ngon agama-agama laen seucara banmandum. Keuyakenan Kristiani keuhai desya na kheueh nyang peujeuet teupeu aseng ureueng Kristen ngon Islam nyang jitem tamong Kristen.”

Sidroe nyang meubuet lamkawan ureueng-ureueng Islam nyang ka jiteurimong Isa Almaseh jipeugah lageenyoe, “Sabab nyang paleng phon pakon ureueng Islam cit bacut jitamong Kristen na kheueh peucaya awaknyan bahwa gaseh sayang Allah keue ureueng meudesya, atawa keutem le Gobnyan keugeupeu amphon ngon hana teutuboh, nyan hana kheueh teulanggeh keuadelan Gobnyan. Nyang kheueh sabab jih awaknyan hana peureulee sidroe Juru Seulamat.” Keuhai ayat nyang gata kuteb nyan.

“Batee nyang jiboh le utoh-utoh bangunan” hainyoe jeuet kamoe peutrang bahwa Alkitab hana jeuet teutafeuse meunyoe hana geutulong le Roh Kudus, nyang tulong ureueng meiman mangat jimuphom asoe kitab nyan.Pahlawan Iman nyang paleng agong, Rasui Paulus, geupeugah hainyoe na kheueh lageenyoe, “Soe kheueh sikeubiet jih lamkawan manusia nyang teupeue peue nyang na lam tuboh manusia nyan, nyan teupeue nyan na kheueh roh manusia keudroe nyang na lam droe jih nyan? Meunan kheueh teuma hana nyang teupeue, peu nyang na lam Droe Allah seulaen nibak Roh Allah keudroe. Tanyoe hana tateurimong roh donya teuma roh nyang teukajih nibak mangat tanyoe tateupeu peue nyang geukaronyae le Allah keutanyoe Dan meunan cit sabab kamoe meutafeuae hai-hai rohani keue awaknyan nyang na Roh, kemoe meututoe karonya Allah ngon tutoe haba nyang bukon geupurunoe ubak kamoe le hikeumat manusia, teuma le Roh” (I Korintus 2:11-13).

Ngon nyan, batee nyang teuboh nyan na kheueh Isa Almaseh, nyang paih lagee Injil peugah, “Gobnyan kana lam donya dan donya geupeujeuet le Gobnyan, teuma donya hana jituri Gobnyan, Gobnyan teuka ubak milek atra geuh keudroe teuma ureueng-ureueng atra Gobnyan nyan hana jiteurimong Gobnyan, teuma banmandum ureueng nyang teurimong Gobnyan geujok kuasa mangat jeuet keue aneuek-aneuek Allah, na kheueh awak nyang peucaya lam nan Gobnyan” (Yahya 1:10-12). Paulus geupeusaksi keubeunaran nyoe sira geupeugah,

Lam Injil Lukas Fsl 20:9-19 na tabeuet lagee nyoe,”Laju Isa geupeugah miseue umpama lagee nyoe, Sidroe ureueng jijak meulampoh keubon anggo; lheuehnyan lampoh jihnyan jiyue pubuet bak bak ureueng ureueng nyang mubuet keubon anggo nyan, tujuan jih le nyang mubuet (maw'ah) lampoh nyan siteungoh nibak hase jih jijok keue ureueng po keubon nyan. Rupari tukang-tukang maw'ah keubon nyan jipoh ureueng po lampoh nyan. Oh lheuehnyan gobnyan geuyue teuma ubak namiet geuh nyang laen, rupari namiet nyan pih jipoh ngon jipeumale teuma lheuehnyan laju jiyue woe ngon jaroe shoh. Lheuehnyan jiyuen teuma namiet nyang laen/ nyang keu lhee, urueng nyoe leueh parah lom jipeuluka, lheuehnyan laju jirhom u luwa keubon.

Le sababnyan, nyang po lampoh anggo nyan laju jipeugah, “Peue nyang haroh ulon pubuet? Ulon yue aneuek lon nyang paleng lon gaseh teuntee awaknyan seugan ngon aneuek nyan. Teuma, watee tukang-tukang maw'ah keubon nyan jikalon aneuek nyang po keubon, awaknyan laju jimeurok pakat sabe keudroe-droe.

Jinoe peu nyang teuma geupeubuet le ureueng po lampoh anggo nyan ateuh ureueng maw'ah nyan? Gobnyan teuka laju geupoh mate banmandum tukang-tukang maw'ah keubon nyan, laju geupeucaya keubon geuhnyan ubak ureueng laen”.

Watee jideugoe haba Isa nyan, awaknyan banmandum jijaweueb, “Sagai-sagai bek” Teuma Isa geukalon ateuh awaknyan sira geupeugah, “Meunyoe meunan peu kheueh makna ayat nyoe; Batee nyang jitiek le utoh-utoh bangunan ka jeuet keu batee peunjuru? Soe-soe mantong nyang rhot ateuh bateenyan, jihnyan laju hancoe meunan cit soe mantong nyang jitingkeh le bateenyan, jihnyan pih hancoe atawa reumok. Le Teuengku-teuengku malem hukom Taurat meunan cit le Teuengku-teuengku Imeum Agong jiuseuha keuneuk jidrob Gobnyan wateenyan cit teuma, sabab awaknyan jiteupeue, bahwa droe awaknyan kheueh nyang teumeukeusut ngon miseue umpama nyan, teuma awaknyan teumakot keue ureueng rame.”

Isa geupeutrang ngon cara trang leumpah na bahwa ‘batee’ nyan na kheueh droe Geuh keudroe dan bukon Nabi Muhammad, sabab akibat jih na kheueh teuengku-teuengku imeum syiek ngon malem-malem hukom Taurat jiuseuha keuneuk drob Gobnyan (Isa).

Keuhai nyang gata peugah, “Keurajeuen Allah teuma teucok nibak gata”, Injil Matius na teutuleh lageenyoe bahwa Isa geujak u Baet Allah keuneuk geujak purunoe beuet, lagee nyang ka lazem geupubuet le Gobnyan, laju Imeum-imeum syiek ngon peutua-peutua Yahudi jitanyong ubak Gotanyan, “Ngon kuasa peue kheueh Droneueh neupubuet banmandum nyan? Dan soe nyang jok kuasa nyan bak Gata?” (Matius 21:23). Le Isa laju geujok miseue umpama keuhai keubon anggo nyang ka lheueh tapeugah di ateuh bunoe, nyang teutuleh lam Injil Lukas 20, dan Gobnyan geutob geupeugah miseue umpama nyan sira geupeugah, “...Hainyan na nibak blah Tuhan, saboh buet ajaeb nibak mata geutanyoe. Sabab nyan, ulon peugah ubak gata bahwa keurajeuen Allah teuma teucok nibak gata dan teujok ubak saboh bansa nyang teuma teupeuhase boh keurajeuen nyan” (Matius 21:33-43)

Sigohlom gata ngon susah payah gata tarek saboh ayat lam Alkitab nibak konteks jih lam Alkitab mangat cocok ngon tujuan gata, gata haroh tateupeue bahwa na paralel-paralel nibak miseu umpama nyoe nibak bagian laen lam Alkitab. Nabi Yesaya na geutuleh lageenyoe,

Lheuehnyan laju jipreh sampoe lampoh anggo nyan jipeuhase boh nyang get, teuma nyang jipeuhase na kheueh boh anggo nyang masam. 'Teuma jinoenyoe, he peunduduek Yerusalem, meunan cit he ureueng Yehuda, peuhakem kheueh lon ngon lampoh anggo Ulon nyan, nyang gohlom ulon peubuet sapeu ateuh jihuyan? Ulon Ku preh mangat jipeuhase boh anggo nyang jroh, pakon jipeuhase boh anggo nyang masam?

Teuma jinonyoe, ulon keuneuk peugah bak gata peue nyang keuneuk Ulon pubuet ateuh lampoh anggo Lon nyan; Ulon keuneuk teubang pageue meuduroe nyan sampoe keubon nyang jipajoh abeh, meunan cit lon tulak binteh beuton jih sampoe lampoh nyan jigiloe-giloe le gob; Ulon peubieyeu mantong mantong lampoh nyan jitimoh naleueng ngon tamah-tamah, hana mupoe meunan cit hana teupeugleh, sampoe jitimoh duroe ceumeucot ngon nalueng laen. Ulon Ku peurintah ubak awan mangat bek jipeutron ujeuen ateuh jihnyan. Sabab lampoh anggo Tuhan Seumeusta alam na kheueh kawom Israel, dan ureueng Yehuda na kheueh seunaman-seunaman nyang geugalak.” (Yesaya 5:1-7).

Meunan cit ngieng lam kitab Zabur 80:5-10. Nibak miseue umpama nyoe Isa keuneuk geupeuleumah ubak peudeungoe-peudeungoe gobnyan, khusus jih ubak imeum-imum syiek meunan cit ubak peutua-peutua bansa, bukeuti nibak kitab-kitab awaknyan keudroe ka geupeu wahyu le le Allah ubak Allah ubak Nabi rayeuk Yesaya.

Almaseh geupeugah keuhai miseue umpama nyoe lageenyoe: “Hai nyan na teujadi nibak blah Tuhan, saboh buet ajaeb nibak mata geutanyoe” (Zabur 118:23) nyoe meumakna bahwa hainyan ka jeuet keu bingong banmandum peungamat, sabab hana paih lagee peue nyang le siladum nyang le nibak bansa Yahudi. Seukira jih hana seuneuboh nibak reuncana Allah, hainyan hana teujadi. Beutoi banmandum peuristiwa nyang na hubongan ngon nyang teuteuboh ajaeb that. Peue kheueh na nyang leubeh ajaeb nibak hai Allah nyang ka geukirem Aneuek Gobnyan nyang tunggai sibagoe Jureseulamat, dan feureuman nyang keukai nyan ka jiteubiet jeuet keu manusia, dan Gobnyan jitulak hana jitueng le bansa pilehan geuh nyan oh lheuehnyan jisaleb teuma? Peue kheueh na nyang leubeh ajaeb nibak Gobnyan geubeudoh lamkawan ureueng mate bak uroe nyang keu lhee dan oh lheuehnyan jeuet keue batee nyang ateuh nyan teupeudong geureuja? Oh lheuehnyan Isa geupeu abeh miseue umpamanyan lagee nyoe, “Le sababnyan, ulon peugah ubak gata, bahwa keurajeuen Allah teuma teucok nibak gata dan teuma teujok ubak saboh bansa nyang teuma teupeuhase boh nibak keurajeuen nyan”.

Almaseh geupeuguna ayat nyoe keugeupeutrang meukeusut Gobnyan ngon geujok miseue umpama nyan, deungon teutafeuse lampoh anggo nyan sibagoe Keurajeuen Allah. Gobnyan geupeugah bak ureueng-ureueng Yahudi bahwa rot anugeurah ngon beureukat keue ummat pilehan Allah teuma teucok nibak awaknyan dan teujok keue awaknyan nyang teurimong Isa sibagoe Jureseulamat ngon nyang teuboih. “Nibak tieb-tieb sukee, ngon basa ngon kawom dan bansa.” (Wahyu 5:9).

Sigohlom nyan, Isa ka geupeuingat ureueng-ureueng Yahudi, “Ulon peugah ubak gata: Jai that ureueng teuma jiteuka rot Timu ngon Barat dan jiduek laju makheun meusajan-sajan ngon Nabi Ibrahim, Nabi Ishak ngon Nabi Yakob lam keurajeuen syeuruga dan aneuek-aneuek keurajeuen nyan laju geutiek lam seupot nyang paleng glab, nibak teumpat nyan kheueh na moe bae ngon meuantok gigoe” (Mat 11-12)

Tutoe Parakletos katreb that jeuet keudobat. Na nyang peugah bahwa kheun “Parakletos” lam basa Yunani saban ngon “Manhamana” Lam 'basa Syria, nyang makna jih ”Muhammad”. Nyoe tafeuse Ibn Hisham nyang jikuteb nibak kitab 'Riwayat Nabi' nyang geutuleh le Ibn Isaac, dan oh lheuehnyan tafeuse nyoe laju meutabu lamkawan ureueng-ureueng Islam. Ulon hana kutem meudobat keuhai agama keuhai pokoknyoe; teuma lam hainyoe nyang na hubongan ngon jeunaweueb ubak Teuengku Abdel Rahman Swad di Nanggroe Meuse, ulon meurasa peureulee lon kuteb tutoe haba Tuhan Isa nyang geucetet le Yahya lam Injil Gobnyan nyang agong: Phon that lam Yahya 14:16-17, Isa geupeugah lagee nyoe, “Ulon teuma lon lakee ubak Bapa, dan Gobnyan teubri keue gata sidroe peunulong laen, mangat Gobnyan na meusajan gata siumumasa, na kheueh Roh nyang beuna. Donya hana hase jiteurimong Gobnyan, sabab donya hana jikalon Gobnyan dan hana jituri Gobnyan, sabab Gobnyan na meusajan gata dan tinggai lam tuboh gata”.

Nyang keudua, kitab Injil Yahya cit, Yah14:26 na teutuleh lagee nyoe: “Teuma nyang hiboe, na kheueh Roh Kudus, nyang teuma geukirem le Bapa lam donya nyoe ateuh nan Ulon, gobnyan kheueh nyang purunoe peu-peu mantong bak gata dan nyang peuingat gata keubanmandum nyang ka ulon peugah bak gata”.

Lhee, Yahya 15:26-27 na teutuleh lageenyoe, “Meunyoe nyang hiboe nyang teuka nibak Bapa ulon teuka, na kheueh Roh keubeunaran nyang teubiet nibak Bapa, gobnyan teuma meusaksi keuhai Ulon. Teuma gata pih bah kheueh meusaksi, sabab gata yoh awaiphon na meusajan-sajan ngon ulon”.

“Keu peuet, lam Yahya 16:7 teutuleh lageenyoe, “Keubiet beutoi nyang ulon peugah nyoe ubak gata: Na kheueh leubeh meuguna nibak gata meunyoe Ulon Kujak, sabab meunyoe Ulon hana Kujak, nyang hiboe nyan hana teuma teuka ubak gata, teuma meunyoe Ulon jak, Ulon teuma Lon kirem gobnyan keue gata”. Soemantong nyang tem manueng atawa jisimak ayat-ayat nyoe jipeubandeng teuma ngon ayat-ayat nyang laen lam Peujanjian Baroe keuhai pribadi ngon buet Roh Kudus, na kheueh “Parakletos”, pasti teuma jikalon bahwa ayat-ayat nyan hana teudukong awaknyan nyang peugah bahwa “parakletos” na kheueh Nabi Muahammad alasan-alasan jih na kheueh lagee nyoe:

Nyang keuneuleuh, ulon keuneuk jaweueb klem gata: Bahwa Almaseh kon Aneuek Allah meunan cit hana geuklem bahwa Gobnyan Illahi.

Seujana-seujana saboh pakat ngon sapeu kheun, lamhai pandangan awaknyan metode nyang Geupeuguna le Isa keugeupeugah bahwa Gobnyan na kheueh Illahi ubak bansa Yaudi na kheueh otentik. Dan sikeubiet jih, meunyoe tanyoe tatem kalon asoe kitab Peujanjian Baroe, tanyoe haroih taaku bahwa hainyan beutoi; haitoh teuma teupeugah teu Ka iman lam lengkongan Yahudi nyang fanatek monoteis. Metodenyoe jipeuguna keuteupeugah misteri nyang lam hai nyoe seucara langkah deumi langkah. Ngon cara nyang paih keumeuntalitaih ureueng-ureueng nyang deungoe Gobnyan, na kheueh ngon cara ate-ate dan ngon hikeumat Illahi.

Tanyoe hase tamuphom keuhai meuntalitaih masyarakat Yahudi meunan cit keuhai jih fanatek ubak monoteis meunyoe takalon ubak peuristiwa-peuristiwa sampoe jipoh mate Stefanus nyang mate syahid nyan, lagee nyang na teucetet lam kisah rasui-rasui, disinan jeuet tabeuet pakriban anggota-anggota Mahkamah Agama ngon saba geudeungoe Stefanus peugah haba, sampoe akhejih Stefanus jipeugah,”Soe kheueh nibak nabi nabi nyang hana keunong ienanya le indatu gata? Malah awaknyan jipoh mate ureueng-ureueng nyang leubeh ilee geupeusampoe keuhai teuka Ureueng Beutoi, nyang jinoe ka gata khianat ngon gata poh mate...... Watee awaknyan jideungoe banmandum nyan, keubiet leumpah that beungeh ngon ate awaknyan lagee teutob ngon sikin tajam, sampoe gigoe awaknyan meuantok-antok (Sabab bak jiputeun beungeh nyan). Teuma watee Stefanus geupeugah, “Keubiet ulon kalon langet teuhah dan Aneuek Manusia geudong nibak balh uneuen Allah”... banjideungoe nyan awaknyan laju ji seureubu Stefanus, laju jitarek gobnyan u luwa banda, lheueh nyan laju jigeulawa ngon bate” (Kisah 7:52-58).

Awaknyan laju jihukom mate Stefanus sabab awaknyan jianggab tutoe haba keuhai Isa geudong blaih uneuen Allah Bapa sibagoe hujat ateuh Allah. Le sabab nyan, gobnyan geupeusaban Isa ngon Bapa nibak keumuliaan Gobnyan.

Seukira jih Isa hana geupeugah sifeuet illahi Gobnyan seucara peuleuheuen-leuheuen, dan langsong geupeugah nibak awai kon bahwa Gobnyan Aneuek Allah Nyang Tunggai nyang teuka jeuet sibagoe manusia, saban ngon Bapa dan na atribut nyang saban. Gobnyan hase geuseumeubeuet nyang treb jih lhee thon. Teuma metode progresip, Gobnyan hase geupeusampoe Injil geuh dan geupeugah misteri nibak nibak Gobnyan meujeulma sibagoe meusias, Aneuek Allah, Juru Seulamat donya. Dan beutoi Gobnyan meututoe ngon meubuet lageenyan bagoe keugeupeugah atawa geupeudeuh esensi Geuh dan geubimbeng ureueng-ureueng nyang deungoe Gobnyan mangat jiaku bahwa Gobnyan na kheueh Illahi.

Padub-padubboh ayat-ayat nyang peunteng lam Injil keuhai nyoe na teuceutet lagee dimiyueb nyoe.

Meunyoe tapike ngon lhok that ubak keubeunaran-keubeunarannyoe, tanyoe geupuhadab ngon sidroe pribadi, nyang lam seujarah manusia gohlom na meusidroe pih nyang lagee Gobnyan. Pribadi nyoe nyang teulukeh nibak geutanyoe teutarek ate lom teudurong geutanyoe keue tasemah Gobnyan. Sabab tanyoe takalon bahwa keuilahian Gobnyan sabe na nibak banmandum tingkat udeb Gobnyan, dan trang lam tutoe haba Gobnyan, mujizat-mujizat Gobnyan, keuhai udeb Gobnyan, meuninggai Gobnyan bak kayee Saleb, keuhai gobnyan Geubeudoh dan Geu ek teuma lam syeuruga. Nyoe kheueh fakta-fakta nyang teugrak ate le nyang tuleh Peunajian Baroe, ureueng-ureueng nyang ka jihati keuhai monoteisme yoh watee ubit awaknyan mangat jipeucaya keuilahian Gobnyan. Meunyoe tanyoe tateurimong keubeunaran-keubeunaran nyoe, tanyoe hase tamuphom paradoks nyoe. Dan tanyoe teupaksa ta anggab bahwa geureja nyang phon that geukarang seujarah nyoe, dan bahwa peuristiwa-peuristiwa nyoe na kheueh hase imajinasi saboh kawom atawa saboh kawan ureueng-ureueng Galilea. Teuma soe nyang hase jipateh bahwa ureueng-ureueng seudeuhana, buta hurof hase jirekayasa Pribadi nyang ajaeb nyoe ngon imajinasi awaknyan. Awaknyan hase jipike bahwa Gobnyan hana meudesya. Keue teucebta konseb bahwa Gobnyan Illahi: keuteupike konseb keuleumoh hainyan teuma meuteunaga dan keumuliaan nyang mahamanyang teuma gobnyan miyueb ate; bahwa ureueng-ureueng seudeuhana lom hana sikula hase geukarang nyoe banmandum nibak pikeran awaknyan, na kheueh hai nyang hana mungken.

Nyoe kheueh paradoks keukristenan, dan nyoe kheueh rot teupeubicah nyan nyang teutuleh lam Peujanjian Baroe. Tanyoe tateurimong solusi nyoe, sabab hana solusi laen. Le sabab nyan, kamoe pih peucaya dan le sababnyan kamoe peugah haba”. Lam kitab Gobnyan, “Balance of Truth”, le C. G. Pfander geupeugah ngon paih that lageenyoe, “Sapeue-sapeue” ‘tutoe haba’ teutunyok ubak saboh eungkapan lam peumikeran nyang peugah haba, dan lam hainyoe nyang peugah haba nyan na kheueh Allah keudroe. Lesabab nyan, meunyoe Almaseh na kheueh feureuman nyang teuka nibak Allah, ka teuntee Gobnyan peugah nibak keuheundak Allah nyang sampoereuna, atawa ngon haba laen, Allah geupeugah droe Gobnyan rot Gobnyan. Oh lheuehnyan Gobnyan geumeututoe ubak awaknyan rot Roh Kudus Gobnyan. Ngon nyan Feureuman Allah teutunyok bahwa Almaseh kheueh sidroe kong sagai Pribadi nyang peugah keuheundak Allah ubak manusia; sabab Gobnyan geuturi Allah dan geupeugah keuheundak Allah seucara sampoereuna. Isa pih geupeugah keubeunaran nyoe watee Gobnyan geupeugah, "Hana meusidroe pih jituri Aneuek seulaen Bapa dan hana meusidroe pih jituri Bapa seulaen Aneuek dan ureueng nyang ubak gobnyan Aneuek nyan geutem peugah hainyan. Jak kheueh keunoe ubak Ulon, banmadum nyang keuweuet ngon leumoh ngon beuban jih geuhon, Ulon teuma Lon brie keuleugaan ubak gata"(Matius 11:27,28).

Tapeuseleusoe diskusi nyoe ulon lakee beugata tem ngieng bak ayat 91 surat Al Ambiyaa nyang su jih lageenyoe:

Tutoe haba atawa teupeuguna nariet ‘tanda’ nyang lam hi tunggai dan pokok jih jamak, teuingat tanyoe ubak nubuat Nabi Yesaya keuhai Jure Seulamat tanyoe,

Baidawi ka geucuba keuneuk geuanggab hana makna nyang rayeuk nibak tutoe haba nyoe ngon keuahlian gobnyan geupeuget tafeuse, dipat gobnyan geupeugah, "Tanda keue mandum makhlok, sabab barang sigaoe nyang jipike keue naseb jih keudroe, teupeuyaken keuhai keumahakuasa jih. Sang peucebta (Seumoga nan gobnyan jipeumanyang). !"

Istilah "Feureuman Allah" makna jih Almaseh, dan teutunyok bahwa Nabi Muhammad geugantoe istilah nyoe nibak ureueng-ureueng Kristen nyang gobnyan turi. Istilah nyoe aseuli Kristiani.

Na lhee boh nyang sulet lom payah meunyoe tanyoe tadiskusi refensi-referensi lam Al Qur’an keuhai udeb Isa Almaseh. Phon, ayat-ayat nyan meutabu-tabu. Keuhai peuristiwa-peuristiwa meunan cit sinambong nyan kureueng jeulaih hubongan jih. Miseue jih, hana urotan kronologis atawa progesi nyang logis, sabab ayat-ayat nyan geupeutron (meunurot ureueng-ureueng Muslim) bak watee meunan cit teumpat nyang meulaen laen. Teutemah lom keuhai payah alat nibak teuseutot sapeu-sapeu topek phon awai trok bak akhe. Miseujih na hukom-hukom nyang meujampu ngon calitra-calitra dan peuristiwa-peuristiwa, topik nibak awaiphon sampoe akhe. Miseujih na hukom-hukom nyang meulawok ngon calitra-calitra tra meunan cit peuristiwa-peuristiwa, lom janji-janji nyang meujampu ngon jiancam-ancam.

Keudua, hai nyang leubeh payahlom, na kheueh referensi-referenei lam Al Qur’an keuhai Tuhan Isa Almaseh na teukandong kontradiksi-kontradiksi. Meunyoe na padub-padub boh ayat jikheun Gobnyan sibagoe manusia dan nabi, ayat-ayat; nyang teupeugah keugobnyan nan-nan gala nyg hana jeuet teujok keu ureueng laen toh mantong. Kontradiksi nyang paleng peunteng na kheueh keuhai Gobnyan wafeut sabab hana mungken teupeucocok ayat-ayat nyoe ngon hana teu-ubak makna jih.

Keu lhee, na kheueh sosah that nibak urotan keuhai kronologis nibak surat-surat nyan. Meunyoe tasitot cara seumike Nabi Muhammad keuhai Almaseh nibak awaiphon ngon meukeumang jih. Tanyoe haroh tapeuphon rot ayat nyang teupeugah keu Gobnyan nyang phon that, oh lheuehnyan laju tabeuet tahab ubak tahap seucara kronologis, trok ubak surat nyang keuneu lheueh. Teuma, sayang that sale seujana-seujana Islam keudroe hana sapeue kheun keuhai urotan histeris nibak surat-surat lam Al Qur'an. Awaknyan jiaku bahwa urotan jih nyang jinoenyoe hana meunurot kronologis.

Keuhai nyang gata peugah keuhai desya lam agama Kristen, "bahwa nyan na kheueh su nibak keukaperan nyang teuwareua keu kristenan. Paulus geupeugah bahwa banmandum ureueng hase meurunoe sapeu-sapeu nibak Gobnyan; jeuet keu Yahudi nibak ureueng Yahudi dan ureueng kaphe nibak ureueng kaphe. . . . . dst"

Sigohlom meutobat, Paulus na kheueh Yahudi nyang fanatek nyang nan awai Saulus. Gobnyan meusyeuhu sabab keuhai taat geuh ubak kitab Taurat Nabi Musa. Paulus keudroe geupeugah keuhai droe gobnyan na kheueh lageenyoe: "Meunyoe na ureueng laen jipike hase jipeucaya ubak hai-hai laheriah, ulon leubeh nibak nyan; teupeukatan bak uroe nyang keulapan, nibak bansa Israel nibak sukee Beunyamin, ureueng Ibrani aseuli, keuhai peundirian gobnyan ateuh hukom Taurat ulon ureueng Farisi, keuhai ulon nyang hana lon piyoh lon ienanya jeumaat, keuhai sunggoh-sunggoh lon horeumat hukom Taurat lam hai nyan ulon hana meucupa. Teuma, peue nyang yoh ilee na kheuh meuteume laba nyang rayeuk nibak ulon, jinoe ulon anggab rugoe sabab Almaseh. Teuma peu-peu mantong lon anggab rugoe, sabab ka meuturi ulon ngon Almaseh Isa, Tuhan lon, leubeh mulia nibak banmandum nyan. Le sabab Gobnyan kheueh banmandum nyan ulon peuleuh dan lon anggab nyan broh, mangat ulon meuteume Almaseh" (Filipi 3:4-8).

Ureueng-ureueng malem seujarah geupeugah bahwa ayah gobnyan sidroe ureueng Farisi dan gobnyan teupeurayeuk munurot hukom nyang paleng kreuh. Watee Paulus ka seuleusoe nibak teumpat gobnyan sikula di Tarsus, gobnyan jikirem u Yerusalem bak watee gobnyan mantong muda keugeujak meurunoe hukom Yahudi meunan cit peungeutahuan agama. Disinoe guree teuologia gobnyan na kheueh Gamaliel nyang meusyeuhu nyan, dan Paulus geuduek sira meurunoe bak gaki gobnyan. Sigohlom Isa Almaseh geupeugah droe Gobnyan ubak Paulus, gobnyan hana piyoh-piyoh geupeuleut ngon geuienanya ureueng-ureueng Kristen. Hai nyang teutamah-tamah beungeh gobnyan na kheueh ngon peue nyang geupeugah le Stefanus nyang mate syahid nyan sigohlom gobnyan jirajam. "Isa, ureueng Nazaret nyan, teuma geureuloh teumpat nyoe dan geu-ubak adat istiadat nyang geupeuwareh le Nabi Musa ubak geutanyoe". Sabab buet geuh nyang gigeh nyan, gobnyan geujok kuasa le peumimpen-peumimpen Yahudi mangat geujak droeb ureueng-ureueng Kristen nyang na di Damsyek. Teuma nibak rot nyang teungoh geujak nyan u banda nyan, Isa Almaseh geupeu leumah droe Gobnyan dan geupeugah haba ubak Gobnyan, dan gobnyan meuiman ubak Isa. Dikeue Raja Agripa, gobnyan ohdudoe teuma geucalitra keuhai gotoyan meutobat lagee nyoe, "Watee ulon ngon punoh kuasa dan tugaih nibak Imeum-Imeum Agong atawa Imeum-Imeum syiek teungoh ulon jak u Damsyek, ngon hana lon sangka-sangka, na kheuh Raja Agripa, bak watee teungoh cot uroe timang deuh lon ngieng bak teungoh rot euh nyan cahya nyang teubeh trang nibak cahaya mata uroe, tron rot langet laju keunong bansaboh tuboh lon meunan cit ngon rakan-rakan nyang na meusajan ngon lon keunong cit ngon cahaya nyan. Kamoe banmandum reubah bak tanoh dan laju ulon deungoe sunyang geupeugah lagee nyoe lam basa Aram, “Saulus, Saulus, pakon gate ta ienanya ulon?” Sosah that nibak gata tasipak ubak reunong rangsang”. Teuma ulon jaweueb, “Soe droeneueh,ya Tuhan?” Seuot Tuhan,”Ulon kheueh Isa, nyang gata ienanya nyan. Teuma jinoenyoe, beudoh kheueh dan dong kheueh. Ulon Kupeudeuh droe ubak gata mangat lon peuteutab gata jeuet keupeulayan meunan cit saksi keuhai banmandum nyang teuma ulon peurintah ubak gata. Ulon teuma lon peu aseng gata nibak bansa nyoe meunan cit nibak bansa-bansa laen. Dan ulon teuma lon kirem gata ubak awaknyan mangat ta peublet mata awaknyan, mangat awaknyan jigisa nibak nyang seupot ubak nyang trang dan nibak kuasa iblih ubak Allah, mangat awaknyan le Iman awaknyan ubak ulon meuteume amphon nibak desya dan meuteume jeumba lamhai peue nyang ka geupeuteuntee keu ureueng-ureueng nyang geupeusuci.” (Kisah. 26:12-18). Keuhai tutoe haba rasui nyang mulia nyan, “Bagi atawa Keue ureueng Yahudi ulon lagee ureueng Yahudi....” dst.; deuhjih gata hana tabeuet seucara teuliti sampoe gata salah muphom meukeusut jih, atawa gata tasaja keuneuk gata peucawoe meukeusut sampoe ngon cara teubot ayat nyan nibak konteksjih.

Kamoe ka lheueh kamoe peutrang bahwa rasui Paulus jididek lam bideueng agama nibak gaki Rabbi Gamaliel, nibak sikula Gamaliel nyang meusyeuhu nyan, gobnyan meuteume peulajaran keuhai Taurat meunan cit ritus ureueng Yahudi, nibak meubagoe hai nyang teutulak atawa teupeue bateue mangat jeuet hase teupeutrang bak awaknyan bahwa Isa kheueh Mesias nyang jipreh-prehnyan. Lam dubnyan nyan nyang jipeutimang atawa jipike, nyang paleng peunteng na kheueh bahwa Kristen teuka kon keuneuk peusampoh Torat, teuma keuneuk teupeugeunab atawa teupeusampoe reuna.

Gobnyan na kheueh ureueng Ibrani meunurot nibak teumpat geuh lahe, lagee ka lheueh takalon, dan ngon hana mupat gobnyan lahe sibagoe ureueng Ibrani gobnyan hana hase geupeungaroh ureueng-ureueng Yahudi, atawa geutamong lam rumoh-rumoh ibadat awaknyan keugeujak seumeubeuet Injil.

Keuhai ureueng-ureueng nyang kon Yahudi kisah rasui-rasui na teutuleh lageenyoe, bahwa Geureuja Kriten nyang phon that, khusos jih nyang di Yudea, lazem jih teupeuna ibadat awaknyan lagee nyang kana teutuleh atawa teucetat ngon na peurinah-peurintah, lamhainyan lagee nyang geujok le Nabi Musa; teuma peurintah-peurintah nyang laen jitamah teuma le Rabbi-rabbi nibak geuneurasi nyang teuka dudoe, lamhi tradisi-tradisi, nyang paleng peunteng nibak madum nyan na meusunat atawa meukatan, nyang sabe jeuet keue binteh beuton teupeujioh nyang paleng kong. Sidroe rabi jipeugah, “Meunyoe hana peuratoran nyoe (meusunat), langet ngon bumoe hana teucebta”, Teuma Geureja di Antiokia, bak teumpat Paulus ngon Barnabas geuseumeubeuet na dua thon, geupeuhah pintoe awaknyan keue ureueng-ureueng nyang kon Yahudi nibak geureuja di Yerusalem meurasa hana mangat ate watee jideungoe haba nyan. Hainyoe jeut keudakwa dakwi ngon meubagoe argument-peundapat nyang meulaen-laen, meunan tajam that.

Geureuja di Yerusalem laju jipeuna sidang keuteupeugah hainyoe, Paulus ngon Barnabas geucalitra bak awaknyan mujiza-t-mujizat nyang Allah peujeuet nibak peulayanan seumeubeuet Injil awaknyan, phon di Sprus trok u Asia ubit. Oh ka lheueh jideungoe haba nyang that-that mangat ate nyan, pakriban meuribee-ribee nyang kon ureueng Yahudi ka jiteurimong Isa, ngon nyan Petrus laju guedong sira geupeugah haba ubak hadirin bahwa Allah ka geupileh awaknyan mangat geupeusampoe Injil ubak bansa-bansa laen mangat awaknyan meuiman cit ubak Isa atawa Almaseh.

Nyang keuneu lheueh, Yakobus, sibagoe kutua sidang geudong laju geupeupaneuk diskusi nyan ngon peuet boh hai na kheueh: Ureueng-ureueng Kristen nyang asal jih nibak daerah laen bah kheueh jipeujioh droe nibak peunajoh nyang ka teupeu hareuem le beurala-beurala; nibak darah, nibak asoe bui dan beulatang nyang mate leumoh; meunan cit nibak buet cabui.

Nyang tuleh seujarah geureja geupeutrang teuma bahwa Paulus sifeuet geuh miyueb ate meunyoe meuhadab keue ngon ureueng-ureueng nyang kon Yahudi, laen hai ngon sikeub ureueng-ureueng Yahudi nyang sombong, nyang jipeudenh le Paulus na kheueh pakriban gaseh Almaseh ubak ureueng-ureueng meuiman lamkawan awaknyan. Meunan cit le Paulus geu tawok teuma padub-padub droe lamkawan awaknyan mangat jicok jeumba lam tugaih missi gobnyan.dan geubai’at ureueng-ureueng laen sibagoe Geumbala - nyang rabee jeumaat di Geureja. Nyan kheueh muphom tanyoe keuhai Paulus atawa keuhai nyang geupeugah le Paulus nyan. Keue ureueng-ureueng nyang hana udeb dimiyueb hukom Taurat, ulon jeuet lagee ureueng nyang hana udeb dimiyueb hukom Taurat, (Bahpih ulon hana udeb diluwa hukom Allah, sabab ulon udeb dimiyueb hukom Almaseh). Hainyoe meumakna bahwa Paulus hana geupubuet hukom-hukom seremonial ureueng Yahudi meunyoe gobnyan na lamkawan nyang kon ureueng Yahudi, teuma Gobnyan tundok ubak hukom Almaseh” (I Korintus 9:21-22).

Bak leuen nyang keudua nibak surat gata, inan gata tuleh: “Surat nyoe na kheueh awaknyan nyang meuheuet ubak nyang beuna”, teuma nibak leuen-leuen nyang laen gata seurang ngon ngon gasa that nyang mireb kutok dan kon “Teutawok mangat teumuphom”, kamoe nyang sikeubiet jih hase kamoe jaweueb ngon nyang saban, atawa leubeh brok lom sabab le that nyang kureueng lam Isalam, teuma kamoe hana meupubuet lagee nyan, Sabab Roh Almaseh ka geupeuseujarah pikeran-pikeran kamoe, dan sibagoe konsekwensi jih keunong cit bak kalam kamoe. Gobnyan geujok peurintah nyang lagee bak kamoe, “Gaseh kheueh musoh gata dan meudoa kheueh keue awaknyan nyang ienanya gata”(Matius 5:44).

Sikeubiet jih kamoe meudoa gata, mangat Allah nyang kamoe seumah dalam Roh ngon keubeunaran geubrie hikeumat ngon muphom ubak gata mangat gata patuh keubeunaran teuma teupeubeubaih gata nibak roh fanatek.